کوئٹہ۔ 05 نومبر (اے پی پی) وزیراعظم یوتھ پروگرام نا چیئرمین رانا مشہود احمد خان لہڑی ہاؤس اٹی صوبائی پارلیمانی سیکرٹری ایکسائز و ٹیکسیشن حاجی محمد خان لہڑی تون اہم اوڑدہی کرے۔ اوڑدہی ٹی ملکی و صوبائی سیاسی حالیت ، بلوچستان اٹی ورناتیکن شونداری وارخواہی و وزیراعظم یوتھ پروگرام نا رداٹ برجا چندی ڈٹ آتیا سرجمی اٹ گپ وتران کننگا۔ داوخت آ حاجی محمد خان لہڑی رانا مشہود احمد …
وزیراعظم یوتھ پروگرام نا چیئرمین رانا مشہود احمد خان نا صوبائی پارلیمانی سیکرٹری حاجی محمد خان لہڑی تون اوڑدہی
گیشتریں ھال
کوئٹہ۔ 05 نومبر (اے پی پی) وزیراعظم یوتھ پروگرام نا چیئرمین رانا مشہود احمد خان لہڑی ہاؤس اٹی صوبائی پارلیمانی سیکرٹری ایکسائز و ٹیکسیشن حاجی محمد خان لہڑی تون اہم اوڑدہی کرے۔ اوڑدہی ٹی ملکی و صوبائی سیاسی حالیت ، بلوچستان اٹی ورناتیکن شونداری وارخواہی و وزیراعظم یوتھ پروگرام نا رداٹ برجا چندی ڈٹ آتیا سرجمی اٹ گپ وتران کننگا۔ داوخت آ حاجی محمد خان لہڑی رانا مشہود احمد خان نا شرفمندی ٹی پرتکلف بیابخیری اس تس۔ اوڑدہی ٹی وزیراعظم یوتھ پروگرام نا رداٹ ورناتے روزگار، تعلیم، کسب و کاروبار نا وارخواہی فراوان کننگ نا گام گیج آتا ستاءِ کرے۔ حاجی محمد خان لہڑی پارے کہ ورناک پاکستان نا نہادی میرات ءُ، اوفتے شونداری نا عمل اٹ اوار کننگ آن بیدس ملک انا شونہالی ممکن اف۔ اورانا مشہود احمد خان تون بلوچستان نا ورناتیکن پین ڈٹ آتا بناءِ کننگ نا خواست کرے۔ رانا مشہود احمد خان باور کرفے کہ وزیراعظم یوتھ پروگرام نا رداٹ بلوچستان نا ورناتے خصوصی اولیت تننگک تانکہ اوفتے کسبکار و خود کفیل کننگ مرے۔
