صدر آصف علی زرداری ءَ تاجکستان ءِ صدر امام علی رحمن ءَ گوں گند ءُ نند

دوحہ/اسلام آباد۔4نومبر  (اے پی پی): صدر آصف علی زرداری ءَ گتر  ءِ بنجاھی شھر دوحہ ءَ تاجکستان ءِ صدر امام علی رحمن ءَ گوں گند ءُ نند کتگ۔ سئے شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ دوئیں رہشون آنی نیام ءَ دوحہ ءَ چاگردی دیمروئی ءِ واستہ دومی جھان سروک دیوان ءِ موہ ءَ دوحہ ءَ گند ءُ نند بوتگ۔ صدر ءِ مملکت ءَ گوشت کہ پاکستان تاجکستان ءِ گوما راجدپتری، دود ءُ ربیدگی ءُ زبانی سیادی آنی بنیات ءَ سیادی آناں سک باز ارزشت دنت ۔ آئی ءَ تجارت، سرمایہ کاری، توانائی، دفاع ءُ سیادی عامہ ءِ شوبگ آنی تہ ءَ دو نیمگی کمک ءَ را گیش دیمروئی دیگ ءِ واستہ وتی عزم ءِ سر ءَ زور پر دات۔ صدر آصف علی زرداری ءَ 2024 ءَ دستخط بوتگیں اسٹریٹجک پارٹنر شپ ءِ معاہدہ ءَ را دوئیں ملک آنی نیام ءَ سیادی ءِ گہتری ءِ درشان ءِ رنگ ءَ پیش کنان ءَ گوشت کہ کاسا 1000 منصوبگ ءِ زندگ کنگ یکجائی وشھالی ءِ نیمگ ءَ یک ھاسیں گامگیج اِنت۔ صدر ءِ مملکت ءَ تاجکستان ءَ را دعوت دات کہ آ پاکستان ءِ وسیلگ ءَ تجارت ءُ رابطہ کاری ءِ واستہ نوکیں موہ آناں پٹ ءُ پول بہ کنت ءُ براہ راست بالی گراب آناں دوبر بندات کنگ ءِ سر ءَ ھیال ءُ لیکہ بہ کنت۔ آہاں اگست 2025 ءَ برجم دارگ بوؤکیں یکجائی فوجی مشق "دوستی II "دوم ءِ توسیپ کت ءُ دفاعی کمک ءُ صلاحیت سازی ءِ تہا کمک ءِ پیشکش کت۔ دوئیں راہشون آں دمگی ءُ میاں اوستمانی معاملہ آنی بابت ءَ ھم حیال ءُ لیکہ درشان کتگ۔ صدر ءِ مملکت ءَ صدر آصف علی زرداری ءَ را تاجکستان ءِ تر ءُ تاب ءِ دعوت دات ، صدر ءِ مملکت ءَ اے دعوت من اِت ۔ گند ءُ نند ءَ بانُک اول بی بی آصفہ بھٹو زرداری، چیئرمین پاکستان پیپلز پارٹی بلاول بھٹو زرداری ءُ گتر  ءَ پاکستان ءِ سفیر ھم ساڑی اتنت۔