صدر آصف علی زرداری ءَ گوں عراق ءِ صدر ڈاکٹر عبداللطیف جمال رشید ءَ گند ءُ نند

دوحہ/اسلام آباد۔4نومبر  (اے پی پی): گتر  ءِ بنجاھی شہر دوحہ ءَ چاگردی دیمروئی ءِ واستہ دومی جھان ءِ سروک دیوان ءِ ساھت ءَ جمہوریہ عراق ءِ صدر ڈاکٹر عبداللطیف جمال رشید ءَ صدر آصف علی زرداری ءَ گوں گند ءُ نند کت۔ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ دوئیں سروک آں پاکستان ءُ عراق ءِ نیام ءَ دو نیمگی سیادی آنی سرجمیں تک ءُ پھنات آنی سر ءَ چار ءُ تپاسی کتگ ءُ دوئیں ملک آنی نیام ءَ دیریں براتی سیادی آناں گیش مھکم کنگ ءِ واستہ وت مہ وتی جزم ءِ پدا پدر کتگ۔ تجارت ءُ سرمایہ کاری ءِ بابت ءَ حیال ءُ لیکہ ءِ درشان کنان ءَ وزیر ءِ درئی کار ءَ ویزہ ءِ آسراتی ءِ وسیلگ ءَ کاروباری رابطہ آناں گیش کنگ ءُ اقتصادی سیادی ءَ را گیش کنگ ءِ ارزشت ءِ سر ءَ زور پر دات۔ صدر آصف علی زرداری ءَ پاکستانی زائرین ءِ آسراتی ءِ واستہ عراق ءِ کمک ءِ توسیپ کت ءُ عراق ءَ پاکستانی کمیونٹی ءِ ارزشتی ایں کمک ءِ ذکر کت کہ دوئیں ملک آنی نیام ءَ نیک راھی ءِ پُل ءِ رنگ ءَ کار کنت۔ عراق ءِ صدر ءَ صدر ءَ را عراق ءِ تر ءُ تاب ءِ دعوت دات۔ صدر آصف علی زرداری ءَ اے دعوت من اِتگ ءُ گوشتگ کہ من اے ماہ ءِ گڈسر ءَ عراق ءِ پارلیمانی گچین کاری ءَ چہ پد ھما دمان ءَ عراق ءِ تر ءُ تاب ءَ کناں۔ دوئیں رہشون آں دمگی امن، برجائی ءُ کمک ءِ ھوالگ ءَ ھم ھیال ءُ لیکہ ءِ درشان کتگ ءُ دو نیمگی سیادی آناں دیم ءَ برگ ءِ واستہ باقاعدہ مزن تک ءِ رابطہ برجم دارگ ءِ سر ءَ تپاک کتگ۔ گند ءُ نند ءَ بانُک اول بی بی آصفہ بھٹو زرداری، پیپلز پارٹی ءِ چیئرمین بلاول بھٹو زرداری ءُ گتر  ءَ پاکستان ءِ سفیر ءَ ھم شریک بوتگ اَنت۔