بلیو اکانومی  ملک ءِ اقتصادی دیمروئی ءِ واستہ گیم چینجر ثابت بوت کنت، حکومت پالیسی ءِ برجاہ دارگ، سرمایہ کاری ءِ دیمروئی ءُ پائیدار دریائی دیمروئی ءِ واستہ جزم انت، وفاقی وزیر خزانگ سینیٹر محمد اورنگزیب

اسلام آباد۔4نومبر  (اے پی پی): وفاقی وزیر خزانہ ءُ آمدنی سینیٹر  محمد اورنگزیب ءَ گشتگ کہ بلوچستان ءِ معیشت ملک ءِ اقتصادی دیمروئی ءِ ھاتر ءَ گیم چینجر ثابت بوت کنت، حکومت پالیسی ءِ برجاہ دارگ ءِ ھاتر ءَ جزم انت، سرمایہ کاری ءِ دیمروئی ءُ پائیدار سمندری دیمروئی ءِ ھاتر ءَ اے شوبگ ءَ را ارب ڈالر ءِ وسیلگ ءَ بدل کنگ بہ بیت۔ 2047ءَ آئی ءَ اے گپ پاکستان انٹرنیشنل میری ٹائم ایکسپو اینڈ کانفرنس ءِ بنگیجی دیوان ءَ ورچوئل رنگ ءَ ھاسیں مہمان ءِ رنگ ءَ گشتانک دیان ءَ کت۔ اے مراگش پاک بحریہ ءُ وزارت میری ٹائم امور ءِ کمک ءَ کراچی ایکسپو سینٹر ءَ برجم دارگ بوت۔ وزیر ءِ ھزانگ ءَ جھان ءِ رجحان آنی ھوالگ ءَ کانفرنس ءِ برجائی ءِ سر ءَ پاک بحریہ ، وزارت میری ٹائم امور ءُ نیشنل انسٹی ٹیوٹ آف میری ٹائم افیئرز ءَ را ساڑات ءُ گوشت کہ میری ٹائم معیشت پاکستان ءِ واستہ دیمروئی ءِ نوکیں دروازگاں پچ کت کنت۔ آئی ءَ بھر زوروک، ماہرین ءُ پینلسٹ آناں وش اتک کت۔ ھزانگ ءِ وزیر ءَ وتی کلوہ ءِ تہ ءَ گوشت کہ گوستگیں دو ءُ نیم سال آنی تہ ءَ پاکستان ءَ اقتصادی برجائی ءِ نیمگ ءَ مزنیں پیشرفت کتگ۔ زرّ ءِ ذخیرہ 14.5ارب ڈالر ءَ چہ گیش بوتگ، افراط زر یک ہندسہ ءَ اتکگ ءُ زر ءِ ارزشت برجا انت۔ آئی ءَ گوشت کہ سود ءِ شرح ءِ تہ ءَ کمی ءُ گلوبل ریٹنگ ایجنسی آنی نیمگ ءَ پاکستان ءِ معیشت ءَ را مھکم لیکگ میاں اوستمانی اعتماد ءِ درشان اِنت۔ وزیر ءِ ھزانگ ءَ گوشت کہ آئی ایم ایف ءِ گوما گوستگیں وھد ءَ کارندہ آنی تک ءِ معاہدہ حکومت ءِ پالیسی آنی سر ءَ میاں اوستمانی ادارگ آنی دل یکمی ءِ نشانی اِنت۔ آئی ءَ گوشت کہ پاکستان نوں انچیں پڑ ءَ سر بوتگ کہ چین،امریکہ، سعودی عرب ءُ متحدہ عرب امارات ءِ وڑیں روایتی اتحادی ملک آنی گوما سیادی ءَ را بیپار ءُ سرمایہ کاری ءِ شوبگ ءَ عملی کمک ءِ رنگ ءَ بدل کنگ بوت کنت۔ ڈاکٹر محمد اورنگزیب ءَ گوشت کہ اے وھد ءَ ملک ءِ جی ڈی پی ءِ تہ ءَ دریائی معیشت ءِ بھر ءُ بانگ ایوک ءَ 0.4 ءَ چہ 0.5درسد یا نزیک ءَ یک ارب ڈالر اِنت بلے ایشی ءِ تہ ءَ بے دروریں گنجائش است اِنت۔ آئی ءَ گوشت کہ 2047 ءَ تاں ایشی ءَ را 100ارب ڈالر ءِ شوبگ ءَ بدل کنگ ءِ ٹارگٹ مزنیں ءُ رسگ ءِ لائک اِنت۔ آئی ءَ گوشت کہ حکومت ماہی گیری ءُ آبی زراعت ءِ شوبگ ءَ لہر ءِ کمک ءَ پروسیسنگ، کولڈ چین انفراسٹرکچر ءُ جھان ءِ درجگ ءِ حفظان صحت ءِ جاور آناں دیمروئی دیگ ءَ اِنت تانکہ آیوکیں لھتیں سال آنی تہ ءَ سی فوڈ ءِ برآمدات ءَ را استیں 500ملین ڈالر ءَ چہ 2ارب ڈالر ءَ سر کنگ بہ بیت۔ آئی ءَ گیش گوشت کہ حکومت پالیشی ءِ برجائی ءَ را دل یکیمی کنت تانکہ دراجیں مدتی منصوبگ برجائی ءَ گوں دیم ءَ شُت کن اَنت۔ وزیر خزانہ ءَ کراچی، قاسم ءُ گوادر ءِ بندرگاہ آنی نوکیں رنگ ءَ جوڑ کنگ، ڈیجیٹلائزیشن، ٹائیڈل ءُ آف شور ونڈ انرجی ءِ وڑیں قابل تجدید توانائی ءِ منصوبگ آنی سر ءَ ھم زور پر دات ءُ مالی کمک ءِ نوکیں وسیلگ ءِ رنگ ءَ ”بلیو بانڈز“ ءِ جاری کنگ ءِ سر ءَ ھم زور پر دات۔ آئی ءَ گوشت کہ میری ٹائم بائیو ٹیکنالوجی ءُ دمگی کمک پاکستان ءِ برجائی اقتصادی دیمروئی ءِ تہ ءَ مرکزی کرد پیلو کت کنت۔ محمد اورنگزیب ءَ گوشت کہ کلاؤڈ اکانومی، مصنوعی ذہانت، ڈیپ انفراسٹرکچر ءُ کان کنی کہ پنچ نوکیں شوبگ اَنت پاکستان ءِ دیمروئی ءِ ڈرائیونگ فورس جوڑ بوت کن اَنت۔ آئی ءَ کانفرنس ءِ جارچین ءُ بھر زوروک آنی واستہ وتی نیکیں واھگ آنی درشان کت ءُ امیت درشان کت کہ اے کانفرنس ءَ چہ دراتکگیں سوج پاکستان ءِ دریائی ءُ اقتصادی دیمروئی ءِ واستہ کمکی بنت۔