صدر آصف علی زرداری سئے  روچی سرکاری تر ءُ تاب ءَ گتر  ءِ شہر دوحہ ءَ سر بوتگ

دوحہ۔4نومبر  (اے پی پی): صدر آصف علی زرداری سئے  روچی تر ءُ تاب ءِ واستہ گتر  ءِ شہر دوحہ ءَ شتگ۔ صدر ءِ مملکت ءُ آئی ءِ ڈل ءَ را گتر ی مزنیں اگدہ دار ءُ دوحہ ءَ روگ ءَ پاکستان ءِ ڈل ءِ صدر ءِ نیمگ ءَ حمد میاں اوستمانی بالی پٹ ءَ وش آتک کنگ بوت۔ ایشاں صدر ءِ مملکت ءَ را گلدستہ ھم دات۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری تر ءُ تاب ءِ وھد ءَ ورلڈ سوشل ڈویلپمنٹ کانفرنس ءَ بھر زوری کنت۔ صدر ءِ مملکت وتی بنیاتی گشتانک ءِ تہ ءَ میاں اوستمانی براتی ءَ را چاگردی دیمروئی ءُ ھواریں اقتصادی دیمروئی ءِ واستہ پاکستان ءِ گامگیج آنی بابت ءَ سرپد کنت۔ صدر آصف علی زرداری نزوریں گل آناں چاگردی رکھینگ، گریبی ءِ کمی ءُ توانائی ءِ تہ ءَ انکم سپورٹ پروگرام ءِ کرد ءَ را پدر کنت۔ صدر ءِ مملکت دوحہ الائنس، چاگردی رکھینگ ءُ نوکریانی کمپیکٹ ءِ بندات کنگ ءِ واستہ پاکستان ءِ گامگیج ءُ جھان ءِ دیمروئی ءِ جزم آنی رد ءَ منصوبگ آنی سر ءَ گپ ءُ تران کنت۔ صدر مملکت چاگردی ءِ سر ءَ تران کنت ءُ آ چاگردی بدلی، ایس ڈی جی ءِ محرک ءُ ایندگر جھان ءِ گامگیج آنی واستہ مالی وسیلگ آنی رسگ ءِ ارزشت ءِ سر ءَ زور پر دنت۔ صدر آصف علی زرداری وتی تر ءُ تاب ءِ وھد ءَ جتا جتائیں جھان ءُ دمگی سروک ءُ میاں اوستمانی گیلانی نمائندگاں گوں ھم گند ءُ نند کنت۔