پاکستان ءَ ویلیو ایڈڈ پروڈکٹس ءِ برآمدات ءَ را گیش کنگ لوٹیت، بنجاھی وزیر سرمایہ کاری بورڈ قیصر احمد شیخ

اسلام آباد۔4نومبر  (اے پی پی): بورڈ آف انویسٹمنٹ ءِ وفاقی وزیر قیصر احمد شیخ  ءَ گوشت کہ پاکستان ءَ ویلیو ایڈڈ مصنوعات آنی برآمدات ءَ را گیش کنگ لوٹ ایت، ویلیو ایڈڈ ایکسپورٹ ءَ چہ گریبی ءِ کمی ءَ کمک رسیت۔ اے ھیالانی درشانی وفاقی وزیر قصرہ احمد شیخ   ءَ سئے شمبے ءِ روچ ءَ پائیدار دیمروئی پاکستان انسٹی ٹیوٹ ءِ نیمگ ءَ برجم داشتگیں 28می پائیدار دیمروئی کانفرنس ءَ گوں گشتانک دیان ءَ کت۔ آئی ءَ گوشت کہ حکومت ءَ ملک ءَ را اقتصادی برجائی ءِ راہ ءَ ایر کتگ ءُ مزن وزیر محمد شہباز شریف ءِ سروکی ءَ گوستگیں بیست ءُ دو ماہ ءِ ساھت ءَ معیشت ءِ جتا جتائیں شوبگ آنی تہ ءَ وفاقی حکومت ءَ بازیں مزنیں سوبمندی رستگ۔ وفاقی وزیر ءَ گوشت کہ پاکستان ءَ وتی پیداواری تہ ءَ را گیش کنگ ءِ ضلورت اِنت ءُ حکومت دیم پہ دیم سرمایہ کاری ءَ را دیمروئی دیگ ءِ واستہ یک سرجمیں حکمت عملی ءِ چیر دستی ءَ کار کنگ ءَ اِنت۔ وفاقی وزیر ءَ گیش گوشت کہ گوستگیں مالی سال ءِ ساھت ءَ پاکستان ءَ را 2 ارب ڈالر ءِ براہ راست درملکی سرمایہ کاری رستگ۔ پاکستان ءَ چین ءِ دیمروئی ءَ چہ دربرگ لوٹیت۔ قصر احمد شیخ ءَ گوشت کہ چین ءِ دیمروئی ءِ تہ ٹوھیں منصوبگ بندی ءَ مزنیں ءُ ھاسیں کرد پیلو کتگ۔ وفاقی وزیر ءَ گوشت کہ بھارت ءِ گوما گوستگیں جیڈھ ءَ پد جھان ءِ تک ءَ پاکستان ءِ شرپ گیش بوتگ۔ وفاقی وزیر برائے سرمایہ کاری بورڈ ءَ گوشت کہ ملک ءَ وت مہ وتی بھروسہ اقتصادی دیمروئی ءِ تہ ھاسیں کرد پیلو کت کنت، پلاننگ کمیشن پاکستان ءِ برجائی دیمروئی ءِ واستہ منصوبگ بندی کت کنت۔ آئی ءَ گوشت کہ چین ءِ گامگیج ءُ تجربگ آناں ملک ءَ گریبی ءِ کچ ءَ را کم کنگ ءِ واستہ کارمرد کنگ بوت کنت۔ سرمایہ کاری ءِ وفاقی وزیر بورڈ ءَ گیش گوشت کہ ٹیکنالوجی ءِ سر ءَ بنیات ءُ قدر ءُ قیمت ءِ برآمدات ءِ دیمروئی ءَ چہ روزگار ءِ موہ آنی تہ ءَ مزنیں کساسے ءَ گیشی بوت کنت۔