موسمیاتی بدلی انوگیں دور ءِ مستریں چیلنج اِنت، مارا دیم ءَ آیوکیں جھان ءِ چاگرد ءَ پائیداریں دیمروئی ءِ شوھاز کنگی اِنت، ڈاکٹر مصدق ملک

اسلام آباد۔4نومبر  (اے پی پی): موسمیاتی بدلی ءُ چاگردی ہم آہنگی ءِ وفاقی وزیر ڈاکٹر مصدق ملک ءَ گوشت کہ موسمیاتی بدلی انوگیں دور ءِ مستریں چیلنج انت، مارا دیم ءَ آیوکیں جھان ءِ چاگرد ءَ پائیداریں دیمروئی ءِ شوھازگ لوٹ ایت، موسمیاتی بدلی ءِ انسانی وسیلگ ءِ دیمروئی ءُ دیمروئی ءِ چیلنج آناں گیش ءُ گیوار کنگ ءِ واستہ یکجاھیں کوشست کنگ لوٹ ایت۔ یک راجی اولویت ءِ سرا انت۔ سئے شمبے ءِ روچ ءَ ایس ڈی پی آئی ءِ 28می پائیدار دیمروئی کانفرنس ءَ گوں گشتانک دیان ءَ آئی ءَ گوشت کہ موسمی مٹ ءُ بدلی ءَ چہ بچگ ءِ واستہ مارا پائیداریں نظام ءِ سرا عمل کنگ لوٹ ایت۔ 2022 ءِ تباہ کنوکیں سیلاب ءَ چہ 1700 ءَ بگر داں 2000 مردم بیران بوتگ اَنت ءُ 8 میلیون ءَ چہ گیش مردم بے لوگ بوتگ اَنت۔ بیران بوتگیں مردمانی تہ ءَ جنین، مردین، پیر ءُ زھگ ھوار اَنت۔ ہزاراں میتگ گار ءُ بیگواہ بوت انت ءُ سداں سالیں تہذیب ءِ رند ءُ پد چہ آپ ءَ شُت انت۔ آئی ءَ گوشت کہ اے سیلاب ءِ سبب ءَ بوتگیں مالی تاوان 32 ءَ چہ 40 ارب ڈالر ءِ کساس ءَ انت کہ اے وھد ءَ ملک ءِ سرجمیں ملکی پیداوار ءِ 15 ءَ چہ 18درسد انت۔ اے آفت پاکستان ءِ راجدپتر ءِ بدترین قدرتی آفتانی تہا ہوار انت۔ آئی ءَ گوشت کہ ھئور ءِ سبب ءَ مئے معیشت نزور بوتگ، لکاں مردم ھور ءِ سبب ءَ بے لوگ بوتگ انت، ھور ءِ سبب ءَ مئے زھگ آنی آیوکیں باندات ھترہ ءِ آماچ بیت، ھور ءِ سبب ءَ مئے راجی معیشت نزور بوتگ ءُ موسمی مٹ ءُ بدلی ءِ سبب ءَ مئے دود ءُ ربیدگی مراگش تباہ بوتگ انت۔ آئی ءَ گوشت کہ پائیدار دیمروئی ءِ مول ءُ مراد آنی درجہ بندی ءِ تہ ءَ پاکستان ءَ را 180 ملک آنی تہ ءَ نزیک ءَ 167می نمبر ءِ سر ءَ ایر کنگ بوتگ۔ گلوبل لسٹ ءِ رد ءَ پاکستان ءِ انوگیں جاور ھال ءَ چہ اے گپ پدر بیت کہ ملک ءَ را پائیدار دیمروئی ءِ جتا جتائیں پڑ آنی تہ ءَ انگت ءَ بازیں راہ ءُ درے ھست۔ مصدق ملک ءَ گوشت کہ اے دیوان گوستگیں یا انوگیں وھد ءِ بابت ءَ نہ اِنت بلکیں آیوکیں وھد ءُ ممکنہ آفت آنی بابت ءَ اِنت ءُ اے رد ءَ آیوکیں گامگیج آنی سر ءَ ھیال ءُ لیکہ کنگ المی اِنت۔ آئی ءَ گوشت کہ کثیر نیمگی نظام وتی کارکردگی ءَ چہ زبھر بوھگ ءَ انت، دگنیا گیش ءَ چہ گیش دو نیمگی ءُ نوں یک نیمگی پالیشی آنی نیمگ ءَ رھادگ بوھگ ءَ انت۔ آئی ءَ بیھار داتگ کہ آپ ءِ سلاہ ءِ رنگ ءَ کارمرد کنگ ءِ ترس مستریں ھترہ جوڑ بوھگ ءَ اِنت ءُ اے ایوک ءَ یک ملکے ءِ واستہ بیھار نہ اِنت بلکیں دراھیں جہلیں دریائی ملکانی واستہ بیھار اِنت، پمیشکا اے المی اِنت کہ الس راستیں گپ بہ جنت ءُ اے ناانصافی ءِ ھلاپ ءَ توار چست بہ کنت۔ مصدق ملک ءَ گشتگ کہ ہمالیہ ءِ کوہانی دامن ءَ درجہ حرارت خطرناکیں کچ ءَ سر بوہگ ءَ انت کہ ایشی ءِ سبب ءَ موسمی بدلی ءِ مجموعی اثرات وادانی تہا گندگ بوہگ ءَ انت۔ آئی ءَ ھشدار داتگ کہ وھدے گلیشیر پگھل بوھگ ءَ بندات کن اَنت گڑا آھانی پادانی تہ ءَ وادانی تہ ءَ برے برے گیشیں آپ ءُ برے برے آپ ءِ سکیں کمی ءِ آماچ بنت کہ گڈسرا فوڈ سیکیورٹی ءِ بحران ءُ فصل ءِ ناکامی ءِ سوب جوڑ بیت۔ آئی ءَ گوشت کہ ٹیکنالوجی ءِ دیمروئی ءَ گوں جیڈھ ھم گیش بوھگ ءَ انت بلے جوانیں حکمت عملی آناں جوڑ کنگ بہ بیت گڈا آیوکیں وھد ءَ اے چیلنج آں گوں گر ءُ چیل بوھگ ءَ سوبمندی ءِ پُجاری بوت کنت۔ وفاقی وزیر ءَ گوشت کہ دگنیا ءِ کاربن ءِ 40درسد ءِ کشگ ءِ تہ ءَ ایوک ءَ دو ملک پیداک کن اَنت وھدیکہ سرجمیں رنگ ءَ 10 ملک دگنیا ءِ تہ ءَ 75درسد ءَ چہ گیش کاربن ءِ کشگ ءِ ذمہ وار اَنت۔ آئی ءَ گوشت کہ اے گپ زانگ لوٹ ایت کہ اے دہ ملک کہ گیشتریں آلودگی ءِ سبب جوڑ بنت آ ھم دگنیا ءِ 85درسد ”گرین فنانسنگ فنڈ“ ءِ رسینوک اَنت۔ وفاقی وزیر ءَ گوشت کہ پاکستان، بنگلہ دیش ءُ ایندگر دیمروئی کنوکیں ملک آناں گلوبل کاربن ءِ کشگ ءِ تہ ءَ یک درسد ءَ چہ کم بھر ءُ بانگ کنگ بیت بلے ایشی ءِ باوجود اے ملک گیش ءَ چہ گیش آماچ بنت کہ اے گلوبل ماحولیاتی انصاف ءِ سر ءَ مزنیں جُست ءُ پُرس ءِ نشان اِنت۔ آئی ءَ گوشت کہ چاگردی انصاف ھما وھد ءَ ممکن بیت کہ کم اخراج ءِ ملک آناں گرین فنانسنگ پجاری کنگ بہ بیت ءُ آلودگی ءِ سبب جوڑ بوؤکیں ملک آناں وتی ذمہ واری ءِ احساس کنگ بہ بیت۔