گوگل کروم ءِ گوما مئے ورنائیں نسل نوکیں رجحانانی نیمگ ءَ گامگیج چست کنت، شزہ فاطمہ خواجہ ءِ  گوگل کروم بک اسمبلی لائن ءِ مراگش ءَ گوں تران

اسلام آباد۔4نومبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ گوگل کروم ءِ گوما مئے ورنا نسل نوکیں رجحان آنی نیمگ ءَ گامگیج چست کنت۔ گوگل کروم بک ءِ اے گامگیج ءَ ایس آئی ایف سی ءَ مزنیں کردے پیلو کتگ۔ انفارمیشن ٹیکنالوجی ءِ موثر ٹرانسفر ءَ را حقیقت جوڑ کنگ ءِ ھاتر ءَ اے المی انت کہ ہرکس ءَ را ڈیٹا ڈیوائسز ءُ انٹرنیٹ ءِ بے رکاوٹیں رسائی ءِ ھاتر ءَ رسگ بہ بیت۔ آئی ءَ اے ھیالانی درشانی سئے شمبے ءِ روچ ءَ ”گوگل کروم بک اسمبلی لائن“ ءِ مراگش ءَ گوں تران کنان ءَ کتگ۔ آئی ءَ گوشت کہ پاکستان ءِ ڈیجیٹل دیمروئی ءِ واستہ مرچی سک باز ھاسیں روچ انت۔ من مراگش ءَ بہر زوروکیں نمائندہ آں وش آتک کناں۔ گوگل کروم ءِ کمک ءَ مئے ورنائیں نسل نوکیں رجحانانی نیمگ ءَ گامگیج چست کنت۔ اے پاکستان ءَ ٹیکنالوجی ءُ مینوفیکچرنگ ءِ ٹرانسفر ءِ نیمگ ءَ مزنیں گامگیج اِنت۔ پاکستان ءَ ٹیکنالوجی، مینوفیکچرنگ ءُ ملک ءِ اقتصادی دیمروئی ءِ واستہ موثر روڈ میپ ءِ سرا عمل کنگ بوھگ ءَ انت۔ ٹیکنالوجی ءُ میاں اوستمانی سرمایہ کاری ءَ را پاکستان ءِ نیمگ ءَ دلگوش کنگ بوھگ ءَ انت۔ آئی ءَ گوشت کہ گوگل کروم بک ءَ مرچی اسمبلی لائن ءَ چہ مزنیں سنگ میل ءِ سرا چہ دیم ءَ شتگ۔ اے کروم بک ڈاکٹر، انجینئر ءُ نودربراں پہ ھاسیں کردے پیلو کنت۔ شزہ فاطمہ ءَ گوشت کہ دفاع ءِ وزیر پدراور ءَ اے گامگیج ءِ سرجمیں کمک کتگ۔ سرمایہ کاری ءِ تہ ءَ رکاوٹ آنی ھلاسی ءِ واستہ ھاسیں سرمایہ کاری ءِ آسراتی کونسل دو سال پیسر جوڑ کنگ بوتگ۔ گوگل کروم بک ءِ اے گامگیج ءَ ایس آئی ایف سی ءَ مزنیں کردے پیلو کتگ۔ یک سالے ءَ اے پروگرام ءِ بندات کنگ چہ معجزہ ءَ کم نہ اِنت۔ ھما مردم کہ اے گامگیج ءِ تہ ءَ کرد پیلو کتگ آ راجدپتر ءَ یات کنگ بنت۔ آئی ءَ گوشت کہ مزن وزیر محمد شہباز شریف ورنا آنی دیمروئی ءِ واستہ کار کنگ ءَ انت، آ ورنا آناں ٹیکنالوجی ءِ ھنر ءَ چہ لیس کنگ ءِ واستہ توامیں وسیلگ آناں کارمرد کنگ ءَ انت، اے ورنا آنی استعداد آناں کارمرد کنگ ءِ واستہ ءُ ملک ءِ اقتصادی دیمروئی ءِ واستہ ھاسیں گامگیج انت۔ وفاقی وزیر ءَ گوشت کہ اے گامگیج ءَ چہ آئی ٹی ءِ برآمدات ءَ را گیش کنگ بیت، معیشت، چاگرد ءُ نظام ءِ ڈیجیٹلائزیشن ءِ واستہ گامگیج کنگ بوھگ ءَ انت، انفارمیشن ٹیکنالوجی ءِ موثر ٹرانسفر ءَ را دل یکیمی کنگ ءِ واستہ، ڈیجیٹل ڈیوائسز ءُ انٹرنیٹ ءَ را ہرکس ءِ واستہ بے رکاوٹ ءِ رسائی پجارینگ المی انت، حکومت ءَ ورنا آنی واستہ انفارمیشن ٹیکنالوجی ءِ رسائی ءِ واستہ مفت لیپ ٹاپ بھر ءُ بانگ کتگ۔ آئی ءَ گوشت کہ اے گامگیج ءَ چہ سرجمیں ملک ءِ آکبت مٹ بیت، حکومت ءَ ورنا آنی واستہ اسٹارٹ اپ فنڈ ءُ کلاؤڈ کریڈٹ پروگرام ءِ وڑیں دگہ پروگرام بندات کتگ۔ آئی ءَ گوشت کہ ما وتی ورنا آنی وانگ ءُ زانگ ءِ دیمروئی ءِ واستہ زبردستیں گامگیج چست کنگ ءَ آں، ھزاراں زھگ وانگ ءُ زانگ ءِ مراگش آنی تہ ءَ مفت وانگ ءُ زانگ ءِ رسگ ءَ انت، مئے یکجائی مول ءُ مراد یکجاھیں پاکستان ءِ جوڑ کنگ انت، ءُ اے گپ ءَ را دل یکیمی کنگ انت کہ ھر زھگ ءَ را وانگ ءُ زانگ ءِ آسراتی رس ایت۔