سیکورٹی فورس آک قلات اٹی انٹیلی جنس آ تالان آپریشن اٹی بھارتی مخ تف فتنۃ الہندوستان نا 4 دہشت گرد آتے خلکر، آئی ایس پی آر

راولپنڈی۔ 04 نومبر (اے پی پی) سیکورٹی فورس آک بلوچستان نا ضلع قلات اٹی انٹیلی جنس آ تالان آپریشن اٹی بھارتی مخ تف فتنۃ الہندوستان نا 4 دہشت گرد آتے خلکر۔ سے شنبے نادے آ پاک فوج انا شعبہ تعلقات عامہ (آئی ایس پی آر) آن جاری بیان نا رداٹ یکم نومبر نا نن آ سیکورٹی فورس آک بلوچستان نا ضلع قلات اٹی انٹیلی جنس آ تالان آپریشن کریر ہراڑے بھارتی مخ تف فتنۃ الہندوستان آن تعلق تخوک دہشت گرد آتا ساڑی گری نا حوال ئس۔ آپریشن اٹی سیکورٹی فورس آک گچین وڑاٹ دہشت گرد آتا ٹھکانہ غاتے گھیڑ کریر و فتنۃ الہندوستان نا 4 دہشت گرد آتے جہنمی کریر، خلنگوک آ دہشت گرد آتا کوزہ غان سلہہ و گولہ بارود ہم دوئی مس ہرا دہشت گردی نا چندی کارروائی تیٹی اوار ئسر۔ آئی ایس پی آر پارینے کہ پاکستان نا سیکورٹی فورس و کانود نافذ کروک آ ادارہ غاتا بنجائی ایپکس کمیٹی نا کنڈآن منظور مروک نیشنل ایکشن پلان نا رداٹ وژن’’عزم استحکام‘‘ انسداد دہشت گردی مہم نا وڑاٹ علاقہ ٹی مروک آ پین ہندوستانی مخ تف دہشت گرد آتے چٹفنگ کن کارروائی پورو شدت اٹ برجاءِ۔