بنجائی وزیر داخلہ محسن نقوی نا قلات اٹی بھارتی مخ تف دہشت گرد آتا برخلاف سرسہب انٹیلی جنس بیسڈ آپریشن آ سیکورٹی فورس آتے خراج تحسین

اسلام آباد۔ 04 نومبر (اے پی پی) بنجائی وزیرداخلہ محسن نقوی قلات اٹی بھارتی مخ تف دہشت گرد آتا برخلاف سرسہب انٹیلی جنس بیسڈ آپریشن آ سیکورٹی فورس آتے زبردست خراج تحسین پیش کرینے۔ تینا بیان اٹی وزیرداخلہ پارے کہ سیکورٹی فورس آک تینا کسبی لائخی و جیرت مندی اٹ 4 بھارتی سپانسرڈ دہشت گرد آتے جہنمی کرسا دشمن نا ناپاک عزم ءِ بے سہب کریر۔ اوپارے کہ قوم فتنۃ الہندوستان نا چٹفنگ کن سیکورٹی فورس آتا بہادری و عزم ءِ تحسین نا نظر اٹ ہرک۔ محسن نقوی پارے کہ سیکورٹی فورس آک وخت آ کارروائی نا کمک اٹ پاکستان اٹ دہشت گردی نا بھارتی نیٹ ورک ءِ اسہ وار ولدا بے نقاب کرینو۔ اونا پاننگ ئس کہ بھارتی سپانسرڈ دہشت گرد آتا عبرتناک انجام پیدوار کلہو ءِ کہ پاکستان نا گل زمین آ داوڑنا زموار تیکن ہچ ءُ جاگہ اس اف۔ اوپارے کہ وطن عزیز نا رکھ اکن سیکورٹی فورس آتا قربانی و سرسہبی مچ آ قوم اکن گمر نا سوب ءِ۔