صدر مملکت آصف علی زرداری نا بلوچستان نا ضلع قلات اٹی سرسہب انٹیلی جنس بیسڈ آپریشن آ سیکورٹی فورس آتے خراج تحسین

اسلام آباد۔ 04 نومبر (اے پی پی) صدر مملکت آصف علی زرداری بلوچستان نا ضلع قلات اٹی سرسہب انٹیلی جنس بیسڈ آپریشن آ سیکورٹی فورس آتے خراج تحسین پیش کرینے۔ سے شنبے نادے آ ایوان صدر نا پریس ونگ آن جاری بیان نا رداٹ صدر مملکت 4 بھارتی کاٹم خواجہی یافتہ دہشت گرد آتا چٹفنگ ءِ قومی سلامتی کن اہم سرسہبی گوندسا سیکورٹی فورس و کانود نافذ کروک  آ ادارہ غاتا عزم و استقلال نا ستاءِ کرے۔ اوپارے کہ قوم سیکورٹی فورس آتون تفوک ءِ و دہشت گردی نا ناسور نا پورو چٹفنگ نا عزم آ سلوک ءِ۔ صدر مملکت وطن دشمن زموار آتا برخلاف آپریشن’’عزم استحکام‘‘ نا چرجوئی ءِ قومی سلامتی کن المی گوندا۔