پاکستان میڈیکل اینڈ ڈینٹل کونسل ءِ پوسکن آ وڑتتون ہم گرنچ کننگ انگ ءِ، بنجائی وزیر سید مصطفیٰ کمال

اسلام آباد۔ 04 نومبر (اے پی پی) بنجائی وزیر قومی جان جوڑی سید مصطفیٰ کمال پارینے کہ پاکستان میڈیکل اینڈ ڈینٹل کونسل ءِ پوسکن آ وڑتتون ہم گرنچ کننگ انگ ءِ، میڈیکل ایجوکیشن ءِ انٹرنیشنل آب انا رداٹ جوڑ کننگ کن پبی گام گیج کننگے۔ داخیال آتا درشانی ءِ او پاکستان میڈیکل اینڈ ڈینٹل کونسل نا صدر پروفیسر رضوان تاج و رجسٹرار تون اوڑدہی ٹی کرے۔ صدر پی ایم ڈی سی وزیرجان جوڑی ءِ ساڑی آ میڈیکل ایجوکیشن سسٹم آ حوال تس ۔ اوڑدہی ٹی طبی تعلیم نا آب ءِ پین گچین جوڑ کننگ آ امنا کننگا۔ بنجائی وزیر جان جوڑی سید مصطفیٰ کمال نا پاننگ ئس کہ پاکستان نا ڈاکٹرآک مچ آدنیا ٹی ملک انا پن ءِ روشنا کننگ ءُ، ننے دا روایت ءِ برقرار تخوئی ءِ۔ میڈیکل کالج آتیٹی تعلیمءِ جہانی آب انا رداٹ کننگک وخت اس کہ پی ایم ڈی سی و وزارت جان جوڑی اواری اٹ دا بابت گچین گام گیج آتے پک کیرہ۔