بنجائی وزیر داخلہ محسن نقوی نا پارلیمنٹ لاجز نا 13 سال آن پدسلوک بلاک نا دورہ، ڈٹ انا زوت پوروی کن مسہ شفٹ آتیٹی کاریم کننگ نا پارت

اسلام آباد۔ 04 نومبر (اے پی پی) پارلیمنٹ لاجز نا 2012آن پدتموک پوسکن آ بلاک پوروی نا آخیریکو ریسہ غاتیٹی پترینگانے۔ بنجائی وزیر داخلہ محسن نقوی زیر تعمیر بلاک نا دورہ ءِ کرے و برجاشونداری کاریم تا سرجمی اٹ جاچ ءِ ہلک۔ چیئرمین سی ڈی اے محمد علی رندھاوا وزیرداخلہ ءِ ڈٹ انا پیش رفت آ حوال تس، ہراٹی پاننگانے کہ ڈٹ مقررہ ٹائم فریم ورک اٹی پورو کننگک۔ داوخت آ ممبر انجینئرنگ سی ڈی اے و ایلو تعلقدار آفیسر آک ہم ساڑی ئسر۔ وزیرداخلہ محسن نقوی پارت کرے کہ ڈٹ انا پوروی ٹی تاخیر ءِ سگنگ پننگک و غٹ کاریم تیٹی بڑزکو آب ہر حال اٹ پک کننگے۔ اوڈٹ ءِ زوت پورو کننگ کن مسہ شفٹ آتیٹی کاریم کننگ نا پارت ہم جاری کرے ۔ محسن نقوی پارے کہ 2012آن سلوک دا ڈٹ آتا پوروی آن پارلیمنٹ نا باسک آتے آب اٹ ہنکینی آسراتی دُوبریک ۔ اوپارے کہ پارلیمنٹ لاجز تون اوار السی آسودہی نا غٹ ڈٹ آتے مقررہ مد اٹی پورو کننگک  تانکہ الس ءِ اوفتا بھرم آک وخت آ دوئی مریر۔