حکومت ءِ دلگوش ملک ءِ شش عددی معیشت ءِ دیمروئی ءِ سرا انت،  ڈیٹا ایکسچینج لیئر  ءِ پائلٹ پروجیکٹ دسمبر ءَ بندات بیت،  شینزا فاطمہ خواجہ ءَ گشتگ کہ سرکاری تک ءَ درستیں ادائیگی 2026 ءَ تاں ڈیجیٹل  رنگ ءَ کنگ بنت

اسلام آباد۔3نومبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شینزا فاطمہ خواجہ ءَ گوشت کہ حکومت ءِ دلگوش ملک ءِ شش عددی معیشت ءِ دیمروئی ءِ سر ءَ انت۔ ڈیٹا ایکسچینج ءِ پائلٹ پروجیکٹ دسمبر ءَ بندات بیت۔ ڈیٹا معیشت ءَ چہ معیشت ءَ را گہتر ءُ وسعت دیگ بیت۔ ڈیٹا ءِ ادائیگی ءَ تیزی ءَ گوں گیشی بوھگ ءَ اِنت۔ حکومتی تک ءَ سرجمیں ادائیگی 2026ءَ تاں ڈیجیٹل  رنگ ءَ کنگ بنت۔آئی ءَ اے ھیالانی درشانی پی آر ڈی ءَ وفاقی وزیر خزانہ سینیٹر  محمد اورنگزیب ءُ ایندگر آنی گوما کتگ۔ مرچی یکجائی پریس کانفرنس ءَ  آئی ءَ گوشت کہ مزن وزیر محمد شہباز شریف ڈیجیٹل پاکستان ءَ ذاتی دلچسپی زورگ ءَ انت۔ سال ءِ تہا ڈیجیٹلائزیشن ءِ وسیلگ ءَ ملک ءِ معیشت ءِ واستہ 10ارب ڈالر ءِ ٹارگٹ ایر کنگ بوتگ۔ اے سال ءِ جنوری ءَ ڈیجیٹل پاکستان ایکٹ منظور کنگ بوتگ ات، ایشی ءِ چیر دستی ءَ ڈیجیٹل پاکستان ءِ روڈ میپ ءِ نقشہ جوڑ کنگ بیت، ایشی ءِ سئے تک ڈیجیٹل سوسائٹی، ڈیجیٹل اکانومی ءُ ڈیجیٹل گورننس انت کہ یکے دومی ءَ گوں بندوک انت۔ آئی ءَ گوشت کہ مزن وزیر ءَ ملک ءَ ڈیجیٹل معیشت ءِ واستہ یک ٹیم ءِ جوڑ کتگ، ءُ ملک ءَ ڈیجیٹل معیشت ءِ دیمروئی ءِ واستہ زبردستیں گامگیج کنگ ءَ انت۔ ڈیجیٹلائزیشن ءِ عمل ءِ تہا درستیں ادارہ ہمگام کنگ بوہگ ءَ انت۔ ڈیجیٹل ادائیگی ھم سسٹم ءِ وسیلگ ءَ کنگ بوھگ ءَ اِنت۔ آئی ءَ گوشت کہ ڈیٹا انجینئر ءِ پائلٹ پروجیکٹ دسمبر ءَ چہ بندات بیت۔ ڈیٹا معیشت ءَ چہ مزنیں گہتری ءُ توسیپ ءِ سبب جوڑ بیت۔ پہ عام شہریاں آسان بیت۔ آئی ءَ گوشت کہ ڈیٹا پیمنٹ ءِ تہ ءَ 10درسد گیشی ءِ سبب ءَ جی ڈی پی ءِ تہ ءَ یک درسد ءِ گیشی بیت۔ آئی ءَ گوشت کہ 45 ملین ءَ چہ گیش بجلی ءِ بل ءِ ادا کنگ ءِ واستہ کیو آر کوڈ است انت۔ بی آئی ایس پی ءِ اہل یک لکھ زالبول آنی اکاؤنٹ پچ کنگ بوتگ۔ رمضان پیکیج ڈیجیٹل پیمنٹ ءِ وسیلگ ءَ بھر ءُ بانگ کنگ بیت۔ 80لکھ زالبول ڈیٹا بینکنگ ءَ ہوار بوتگ انت۔ پاک آئی ڈی ءِ وسیلہ ءَ آن لائن شناختی کارڈ جوڑ کنگ آسان اِنت۔ راست اسلام آباد ءِ سمارٹ ایپ ءِ گوما یکجا کنگ بوتگ۔ اے ایپ ءِ وسیلگ ءَ اسلام آباد ءِ شہریاں گاڑی آنی ٹوکن ٹیکس ءِ چیر دستی ءَ یک ارب کلدار ءِ زرّ داتگ اَنت۔ آئی ءَ گوشت کہ کیو آر ءِ ادائیگی ءِ ھوالگ ءَ سوداگر آناں ادائیگی ءِ واستہ یک ءُ نیم ارب کلدار ایر کنگ بوتگ۔ آئی ءَ گوشت کہ ڈیجیٹلائزیشن ءِ واستہ ھمک مردم ءَ را انٹرنیٹ ءِ ضلورت انت۔ فائبرائزیشن ءِ ھوالگ ءَ جیڈھ آنی گیواری ءِ واستہ سرجمیں پاکستان ءَ رائٹ آف وے چارجز ھلاس کنگ بوتگ۔ آئی ءَ گوشت کہ ڈیجیٹلائزیشن ءَ چہ ڈیجیٹل ادائیگی ءِ تہ ءَ آسانی ءُ شفافیت کیت۔ اے لال ٹیپ ءِ ھلاس کنگ ءَ کمک کنت، کارکردگی ءَ شر کنت، ءُ بینکاں چہ قرضہ زورگ ءَ آسان کنت۔ اے غیر رسمی معیشت ءَ را رسمی کنگ ءَ کمک کنت۔ آئی ءَ گوشت کہ جون 2025 ءَ 5لکھ سوداگر آن لائن ادائیگی کنگ ءَ اتنت ءُ 2026 ءَ تاں آھانی کساس ءَ را 2 ملین ءَ سر کنگ ءِ ٹارگٹ انت۔جون 2025 ءَ ڈیجیٹل بینکنگ ءِ کارمرد کنوکیں مردمانی کساس 95 ملین بوتگ ءُ ستمبر 2025 ءَ تاں اے کارمرز کنوک آنی کساس 112 ملین ءَ سر بوتگ۔ ٹارگٹ جون 2026 ءَ تاں 120 ملین ءَ سر کنگ اِنت۔ما جنسی تبعیض ءِ ھلاسی ءِ ھاترا کار کنگ ءَ ایں، ءُ ما زوت آسانیں سروسز ءِ بندات کنگ ءَ ایں ۔ کہ ایشی ءِ وسیلگ ءَ 150 سروسز دیگ بنت۔ حکومتی تک ءَ سرجمیں ادائیگی 2026ءَ تاں ڈیجیٹل رنگ ءَ کنگ بنت۔بی آئی ایس پی ءِ ڈیجیٹلائزیشن 2026ءَ تاں سرجم کنگ بیت۔