وفاقی وزیر ڈاکٹر مصدق ملک ءَ سی وی ایف ءِ ڈل ءَ گوں گند ءُ نند کتگ، پاکستان ءِ موسمیاتی وشحالی ءِ منصوبہ ءِ بابت ءَ گپ ءُ تران

اسلام آباد۔3نومبر  (اے پی پی): موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ کلائمیٹ وَلنریبل فورم (CVF-20) ءِ ڈل ءَ گوں گند ءُ نند کتگ ءُ پاکستان ءِ پیش کرتگیں موسمی وشحالی منصوبگ ءِ سر ءَ گپ ءُ تران کتگ۔ اے منصوبہ ءِ بندات موسمیاتی بدلی ءِ بابت ءَ آیوکیں موسمیاتی کانفرنس کوپ 30 ءَ کنگ بیت۔وزارت موسمیاتی بدلی ءُ چاگردی تابکاری ءِ نیمگ ءَ چہ جاڑی بوتگیں بیان ءِ رد ءَ ڈل ءَ وفاقی وزیر ءَ را منصوبہ ءِ مول ءُ مراد ءِ بابت ءَ سرپدی داتگ کہ ایشی ءَ چہ پاکستان ءَ را چاگردی بدلی ءِ نیمگ ءَ رھادگ بوھگ ءِ روڈ میپ ءِ وسیلگ ءَ دیم ءَ آرگ بیت۔ معاش. گند ءُ نند ءِ تہ ءَ جاری سبز دیمروئی منصوبگ ءُ پاکستان ءَ چاگردی لچک جوڑی ءِ واستہ گامگیج آنی سر ءَ ھم سرجمیں رنگ ءَ گپ ءُ تران کنگ بوت۔ دوئیں نیمگاں سرمایہ کاری ءَ را گیش کنگ، جاری منصوبگ آناں تیز کنگ ءُ تکنیکی کمک، جدت ءُ زانت ءِ تبادلہ ءِ وسیلگ ءَ یکجائی مول ءُ مراد آناں سر کنگ ءِ سر ءَ تپاک کتگ۔ اے موہ ءِ سر ءَ وفاقی وزیر ڈاکٹر مصدق ملک ءُ سی وی ایف ءِ ڈل ءَ آیوکیں سی او پی 30 گپ ءُ تران ءِ ساھت ءَ پاکستان ءِ چاگردی اولویت ءُ ایندگر نزوریں ملک آنی مفاد آناں جھان ءِ تک ءَ جوانیں رنگ ءَ پدر کنگ ءِ واستہ کمک ءَ را مھکم کنگ ءِ سر ءَ ھم تپاک کتگ۔