ما بیانیہ  ءِ جنگ ءَ جنگ ءَ ایں، مئے پسو یک جوانیں  پسو ءِ شکل ءَ اِنت، مئے مول ءُ مراد ملک ءَ درملکی سرمایہ کاری ءِ دیمروئی اِنت، وفاقی وزیر ءِ اھوالکاری عطا اللہ تارڑ سینیٹ ءَ گوں تران

اسلام آباد۔3نومبر  (اے پی پی): وفاقی وزیر اھوالکاری ءُ نشریات عطا اللہ تارڑ ءَ گشتگ کہ ما لبز ءِ جنگ ءَ گوں جنگ ءَ ایں، مئے پسو یک جامع پسو ءِ شکل ءَ انت، یک نیمگے دروگیں افواہ شنگ بوتگ انت، دومی نیمگ ءَ واضح حقائق ءِ تر ءُ تاب ءَ دنیا ءِ چم پچ کتگ انت،  مزن وزیر  ءِ سعودی عرب  ءِ تر ءُ تاب یک سکیں ھاسیں گامگیج اِنت، نوں مئے مول ءُ مراد ملک ءَ درملکی سرمایہ کاری ءِ دیمروئی اِنت۔ آئی ءَ اے ھیالانی درشانی ادا یک دمگی ھوٹلے ءَ انسٹی ٹیوٹ آف ریجنل اسٹڈیز ءِ نیمگ ءَ برجم داشتگیں ’’پاکستان ءِ سفارتی کار‘‘ ءِ سرھال ءِ سر ءَ سینیٹ ءَ گوں تران کنان ءَ کت۔ وفاقی وزیر ءِ اھوالکاری ءَ گوشت کہ پاکستان ءِ سفارتی کامیابی آناں دگنیا من ایت، کوشست ءُ محنت ءِ گوما مارا سفارتی محاذ ءَ مزنیں کامیابی رستگ انت۔ آئی ءَ گوشت کہ پاکستان ءِ واستہ سفارتی محاذ ءَ کار کنوک آنی ھزمت مدام یات کنگ بنت۔ عطا اللہ تارڑ ءَ گوشت کہ دگنیا من ایت کہ پاکستان ءِ فارن سروس جوان انت، مئے فارن سروس روایات آناں جوانیں رنگ ءَ دیم ءَ برگ ءَ انت، ایشی ءِ سر ءَ مارا پھر انت۔ آئی ءَ گوشت کہ فارن سروس ءِ افسر آں مُدام پاکستان ءِ نام گلوبل اسٹیج ءَ رژنا کتگ، سفارتکاری یک انچیں ازمے کہ ایوک ءَ وانگ ءُ زانگ ءَ چہ پیداک اِنت بلکینگ ءَ تجربگ ءُ محنت ءَ چہ پیداک اِنت۔ وفاقی وزیر ءِ اھوالکاری ءَ گوشت کہ پاکستان ءَ ناشرکاری ءِ ھلاپ ءَ بے دروریں قربانی داتگ، پاکستان ءَ را ھم ناشرکاری ءِ سبب ءَ گیش ءَ چہ گیش تاوان رستگ۔ آئی ءَ گوشت کہ مئی 2025 ءَ پاکستان ءِ سر ءَ ناشرکاری ءِ دیمروئی کنگ ءِ دروگیں بھتام جنگ بیت۔ آئی ءَ گوشت کہ پہلگام ءِ واکیہ ءَ چہ پد ھما دمان ءَ پاکستان ءِ سر ءَ ملامت کنگ بیت وھدیکہ درست ءَ پاکستان وت ناشرکاری ءِ مستریں آماچ اِنت۔ آئی ءَ گوشت کہ مزن وزیر ءَ پہلگام واکیہ ءِ آزاد پٹ ءُ پول ءِ بھارت ءَ را دل یکیمی ھم داتگ۔ آئی ءَ گوشت کہ وھدے دژمن ءَ مئے سر ءَ جنگ مسلط کت گڈا مئے سلاہ بندیں اُرد ءَ لائکیں پسو دات۔ فیلڈ مارشل عاصم منیر ءِ سروکی ءَ ما چہ وتی فورس ءَ چار رند ءَ مستریں فورس ءَ شکست دات۔ آئی ءَ گوشت کہ انصاف ءِ جنگ ءَ مئے کرد زرین آباں گوں نبشتہ کنگ بیت۔ وفاقی وزیر ءَ گوشت کہ دوستیں ملک آں ھم پاکستان ءِ موقف ءِ کمک کت، وھدیکہ مئے سفارتی کوشست آنی سبب ءَ مارا سرجمیں دگنیا ءِ نیمگ ءَ چہ سرجمی ءَ کمک رست۔ وفاقی وزیر ءَ گوشت کہ بھارت ہمشیک ءِ وڑ ءَ زوراک بوتگ ءُ انگت ءَ پاکستان ءِ ھلاپ ءَ سازش کنگ ءَ ھوار انت۔ آئی ءَ گوشت کہ پاک کوسٹ گارڈ ءَ یک ملاحے دزگیر کتگ کہ آ بھارت ءِ واستہ جاسوسی کنگ ءَ ات، آئی ءَ بھارتی ایجنٹ آنی کارمرد کنگ ءِ سرجمیں کسہ ءَ را دگنیا ءِ دیم ءَ ایر کتگ۔ آئی ءَ گوشت کہ وھدیکہ ھندی میڈیا دروگیں پروپیگنڈا شنگ کنگ ءَ ات، پاکستان ءِ ذمہ واریں رپورٹنگ ءَ دگنیا ءِ دلگوش گپتگ۔ وفاقی وزیر ءَ گوشت کہ ما لبز آنی جنگ ءَ کنگ ءَ آں، مئے پسہ سرجمیں پسہ ءِ شکل ءَ انت۔ آئی ءَ گوشت کہ یک نیمگ ءَ دروگ ءِ جنگ انت دومی نیمگ ءَ ھندوستان ءِ بابت ءَ ھاسیں راستی آں دگنیا ءِ چم پچ کتگ انت۔ ہندوستان انگت ءَ پاکستان ءِ حلاف ءَ پندل سازگانی تہا مشغول انت۔ عطا اللہ تارڑ ءَ گوشت کہ راستی ءِ جنگ ءِ سوبمندی ءَ پد ھمک پاکستانی ءِ سر گوں شان ءَ چست بوتگ ۔ مزن وزیر ءِ سعودی عرب ءِ تر ءُ تاب ءِ بابت ءَ وفاقی وزیر ءِ اھوالکاری ءَ گوشت کہ مزن وزیر ءِ سعودی عرب ءِ تر ءُ تاب ءِ وھد ءَ اقتصادی اسٹریٹجک فریم ورک ءِ بندات سک باز ھاسیں گامگیج اِنت، نوں مئے مول ءُ مراد ملک ءَ درملکی سرمایہ کاری ءَ را دیمروئی دیگ اِنت۔ آئی ءَ گوشت کہ سول ءُ فوجی طاقت ءِ نیام ءَ ھمگرنچی است اِنت، ھمے ھاتر ءَ پاکستان ھمک پڑ ءَ ساپ ءُ اعتبار زورگ ءَ اِنت۔ عطا اللہ تارڑ ءَ گوشت کہ میاں اوستمانی ریاست آنی گوما مھکمیں سیادی ءُ بیپار ءِ واستہ پاکستان ءِ بندر آناں کارمرد کنگ مئے اولی ترجی انت۔ ما اقتصادی پڑ ءَ نوکیں بالاد ءَ سر بوتگیں ءُ مارا گوں دوستیں ملکاں اقتصادی ءُ تجارتی سیادی ءَ گیش مھکم کنگی اِنت۔