بنجائی وزیر انجینئر امیر مقام نا بابرخان عمرزئی نا کزیت آ است ہسونی نا درشان

اسلام آباد۔ 03 نومبر (اے پی پی) بنجائی وزیر و صدر مسلم لیگ (ن) خیبرپختونخوا انجینئر امیر مقام مسلم لیگ (ن) چارسدہ نا نائب صدر بابرخان عمرزئی نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی بیان اٹی انجینئر امیر مقام پارے کہ بابر خان عمرزئی پارٹی نا اسہ مخلص، فعال و باصلاحیت راہشون اس ئس ہرانا اناگت کزیت آن نئے بیرہ مسلم لیگ (ن) بلکن مچ آ تنظیم ءِ اسہ بے بدل ءُ نسخان اس رسینگانے۔ اوپارے کہ بابرخان عمرزئی نا خذمت آتے مدام یات تخنگک۔ انجینئر امیرمقام ایماندار ناخاہوت تون ہمدردی نا درشانی ءِ کرسا دعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و پدسلوک آتے صبر وجمیل ایتے۔ یات سلے کہ بابرخان عمرزئی گلیات، ایبٹ آباد اٹی دَرنگ اسے آن تمسا زوال کریسس۔