ہرسال 10 ہزار لمہ غاک زچگی آن مست مرض آتا سوب آن زوال کیرہ، بنجائی وزیرقومی جان جوڑی سید مصطفیٰ کمال

اسلام آباد۔ 03 نومبر (اے پی پی) بنجائی وزیر قومی جان جوڑی سید مصطفیٰ کمال پارینے کہ ہرسال 10 ہزار لمہ غاک زچگی آن مست مرض آتا سوب آن زوال کیرہ، پاکستان اٹ نیزگار ی ناجوڑی تا غٹ آن بھلا سوب ءِ ، زڑدوئی ٹی پاکستان بدبختی اٹ اولیکو نمبرآ ٹی ءِ۔ داخیال آتا درشانی ءِ او دوشنبےنادے آ ’’فارماکوویجیلینس‘‘ ورکشاپ آن تران کرساکرے۔ اوپارے کہ پاکستان اٹی ہیلتھ انا نظام داسہ آئیڈیل پوزیشن آ اف، انسانی جون بے کچ اہم ءِ، نن بایدے اونا قدر ءِ کین، دنیا ٹی ہیلتھ کیئر نا نظام ترندی اٹ بدل مسنے، مریض جوڑ مننگ آن توننگ آ چکارکروئی مریک۔ مصطفیٰ کمال پارے کہ ایکو سسٹم سہی سمت اٹی شاغنگ نا کوشست برجاءِ، دنیا ہسپتال آتے خورک کننگ نا پالیسی نا کنڈآہِننگ ءِ، دنیا لائف اسٹائل میڈیسن نا کنڈآ رواں دواں ءِ، ہسپتال آتیٹی مریض آتا کچءِ کم کننگ نا حکمت عملی برجاءِ۔ اوپارے کہ اگہ کس اس مریض اسے تو سمجھوئی مریک انت اکن ءِ، ہیلتھ کیئر آ چکار تننگ وخت انا گرج ءِ، ایکو سسٹم آ سجفر، کورونا ٹی سپر پاور ملک آک ہم تالان مسر  ۔ بنجائی وزیر پارے کہ ملک ءِ sick-carآن health-careنا کنڈآ دروئی مریک، ٹیکہ خلنگ نا مزاحمت ءِ کم مننگ کن الیتون، مہم برجاءِ، دنیا پٹ وپول ءِ پورو کرے، کینسر آن کس اس کسپک  ولے پاکستان اٹی داسکان کینسر مرک انا سوب ءِ، دنیا ٹی ہیلتھ پالیسی آن مرک آتا کچ کم مننگ ءِ۔ اوپارے کہ پاکستان اٹی نیزگاری ناجوڑی تا بھلا سوبءِ ، زڑدوئی ٹی پاکستان بدبختی اٹ سرفہرست ءِ، ہر سالدہ ہزار لمہ زچگی آن مست مرض آتیان زوال کننگ ءُ۔ بنجائی وزیرپارے کہ اسہ بلین ڈالر ویکسین امپورٹ آ خڑچ مریک ، دواسے نا ردعمل مرے تو اطلاع ایتر، اسلام آباد اولیکو رابطہ مرکز مریک، ہیلتھ انشورنس آ دہ ارب روپئی خڑچ مریک۔