ویتنام اٹی ترند انگا پِر ونوکاپ آن37 مرک مس

ہنوئی ۔ 03 نومبر (اے پی پی) ویتنام نا نیامی علاقہ غاتیٹی ساڑی آ دے تیٹی ترند انگا پِر و نوکاپ آن مرک آتا کچ 37 مسنے، 5 بندغ بے گوا و 78 ٹھپی مسنو۔ شنہوانا رداٹ دا حساب وکتاب ویتنام ڈیزاسٹر اینڈ ڈائیک مینجمنٹ اتھارٹی نا کنڈآن جاری بیان اٹی پاننگانے۔ اتھارٹی نا رداٹ 12 ہزار 600 آن زیات ہند اداسکان دِیر اٹی ءُ، 103 ہند آک پورو بھس مسنو وخت اس کہ 451 ءِ جزوی نسخان رسینگانے۔ نوکاپ نا سوب کم و ود 7 ہزار 900 ہیکڑ رقبہ غا سلوک فصل آتے دِیر ہرفینے، 64 ہزار آن زیات ساہدار و پولٹری کسکنو ، وخت اس کہ آبپاشی نا نظام و دریانا کنارہ غاتے ہم بھاز نسخان رسینگانے۔