مزن وزیر محمد شہباز شریف ءَ راجی کرکٹ ٹیم ءَ را جنوبی افریقہ ءِ ھلاپ ءَ جوانیں کارکردگی ءِ پد ءَ مبارک بات داتگ

اسلام آباد۔2نومبر  (اے پی پی):مزن وزیر محمد شہباز شریف ءَ جنوبی افریقہ ءِ ھلاپ ءَ جوانیں کارکردگی ءِ پد ءَ راجی کرکٹ ٹیم ءَ را مبارک بات داتگ۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ گرین شرٹس ءَ سک باز جوانیں گوازی پیش کتگ، من سرجمیں ٹیم ءَ را جنوبی افریقہ ءِ ھلاپ ءَ وشیں سوبمندی ءِ سر ءَ دل ءِ تہ ءَ چہ مبارکی دیان آں ۔ آئی ءَ پاکستان کرکٹ بورڈ ءِ چیئرمین محسن نقوی ءُ آئی ءِ ٹیم ءِ جوانیں کوشست آنی ھم ساڑات۔