مزن وزیر شہباز شریف ءَ پاکستان کڈنی اینڈ لیور انسٹی ٹیوٹ ءِ 1000می سوبمندیں لیور ٹرانسپلانٹ ءِ سرا منت واری درشان

لاہور۔2نومبر  (اے پی پی):مزن وزیر محمد شہباز شریف ءَ پاکستان کڈنی اینڈ لیور انسٹی ٹیوٹ ءِ 1000 سوبمندیں لیور ٹرانسپلانٹ آپریشن ءِ سنگ میل ءَ چہ گوزگ ءِ منت واری ءِ درشانی کنان ءَ گوشت کہ اللہ تعالیٰ ءِ فضل ءَ چہ 2017ءَ ایر کنگ بوتگیں پودگ ءَ چہ 4 ملین نادراہ ءَ را یک مزنیں درچکے جوڑ بوتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءَ گوشت کہ گوستگیں وھد ءَ پی کے ایل آئی ءِ ھلاس کنگ ءِ ھاترا منحوسیں سازش بوتگ اَنت، ایشی ءِ بورڈ آف گورنرز ھلاس کنگ بوتگ ءُُ ادارگ غیر فعال کنگ بوتگ۔ مزن وزیر ءَ گوشت کہ وھدے آئی ءَ 2022 ءَ پاکستان ءِ نوکر ءِ زمہ واری پیلو کت گڈا آئی ءَ پی کے ایل آئی ءِ یکجا کنگ ءِ کار بندات کت۔ آئی ءَ گوشت کہ پنجاب ءِ سر وزیر مریم نواز ءَ انسانیت ءِ ازمت ءِ واستہ جوڑ بوتگیں اے ادارگ ءَ را استیں حکومت ءِ ساھت ءَ پدا وتی سرجمیں توان آنی تہ ءَ آرگ ءِ واستہ سک باز محنت کتگ کہ اے ستا کرز انت۔ مزن وزیر شہباز شریف ءَ گوشت کہ پی کے ایل آئی 80درسد نادراہ آناں مفت ءَ علاج کنت، ایشی ءِ سبب ءَ گریبیں الس ءَ را میاں اوستمانی معیار ءِ آسراتی ءَ چہ سیت چست کنگ بیت۔ پی کے ایل آئی ءِ جوڑ کنگ ءُُ آئی ءِ کاروائیاں دوبر بندات کنگ ءُُ آئی ءَ را وتی سرجمیں توانائی ءَ پدا آرگ ءِ ھاترا مزنیں محنت کنگ ءِ ٹیم ستا کرز انت۔ مزن وزیر ءَ گوشت کہ ڈاکٹر سعید اختر ءُُ آئی ءِ سرجمیں ٹیم پی کے ایل آئی ءَ چہ زھرشانی ءِ آماچیں انسانیت ءِ ھزمت ءُُ جانی جان ءِ رکھینگ ءِ تہ ءَ کرد ءِ سر ءَ شگر ءُُ منت ءِ مستحق اَنت۔