راستیں گپ جنوکیں اھوالکارانی سر ءَ زوراکی ءُ زُلم بند کنگ بہ بیت،  مریم نواز

لاہور۔2نومبر  (اے پی پی):پنجاب ءِ سر وزیر مریم نواز ءَ اھوالکارانی ھلاپ ءَ جرم ءِ ھلاسی ءِ میاں اوستمانی روچ ءِ درگت ءَ وتی کلوہ ءِ تہ ءَ گْوشتگ کہ راستیں گپ جنوکیں اھوالکارانی سر ءَ زوراکی ءُ زلم بند کنگ بہ بیت۔ ذمہ واری ءِ احساس ءِ گوما رسانکدر ءِ آجوئی جمہوریت ءِ بُن ہشت اِنت۔ مھکمیں جمہوری چاگرد ءِ واستہ رسانکدر ءِ آجوئی سک باز المی اِنت۔ آئی ءَ گوشت کہ اھوالکار چاگردی انصاف ءِ رکھوک ءُ الس ءِ توار انت۔ صحافی کہ ظلم، ناانصافی ءُ دروگ ءَ پدر کن انت آ ہیرو انت۔ من سر وزیر ءِ بستار ءَ رسانکدر ءِ آجوئی ءِ رکھینگ ءِ ضامن آں ۔ آئی ءَ گوشت کہ حکومت اھوالکار آنی ھک آنی رکھینگ ءِ واستہ بازیں گامگیج کنگ ءَ انت۔ ما بے لوگیں اھوالکارانی واستہ یک چھت ءِ واب ءِ پیلو کنگ ءِ ھاترا دلجم ایں ۔ ما گوں اھوالکاراں آں کہ راستی ءُ انصاف ءِ راہ ءَ رو اَنت ءُ وتی ھکاں رکھین اَنت۔ آئی ءَ گوشت کہ اے روچ ءِ برجم دارگ ءِ مول ءُ مراد ھما اھوالکار آناں یات کنگ اِنت کہ آ راستی ءُ انصاف ءِ واستہ کُشگ بوتگ اَنت یا رنج ءُ گم ءِ آماچ بوتگ اَنت۔ پنجاب ءَ اھوالکار ءُ اھوالکاری ایمن اِنت۔ اللہ تعالیٰ ءِ کرم ءَ ادا ایشانی کوش ءُ زوراکی ءِ ہچ وڑیں واقعہ نہ بوتگ۔