راجی اسمبلی ءِ اسپیکر سردار ایاز صادق ءَ پاکستان کرکٹ ٹیمب ءَ را دل ءِ جہلانکی ءَ گوں مبارک بات

اسلام آباد۔ 2نومبر (اے پی پی) راجی اسمبلی ءِ اسپیکر سردار ایاز صادق ءَ پاکستان کرکٹ ٹیم ءَ را جنوبی افریقہ ءِ ھلاپ ءَ ٹی ٹوئنٹی سیریز ءَ جوانیں سوبمندی ءِ پد ءَ دل ءِ جہلانکی ءَ چہ مبارکی دات۔ آئی ءَ کھڈکار آنی جوانیں ٹیم ورک، نظم و ضبط ءُ جوانیں کارکردگی ءِ توسیپ کت ءُ گوشت کہ راجی ٹیم ءِ اے سوبمندی سرجمیں راج ءِ واستہ بے دروریں فخر ءُ وشھالی ءِ وسیلگ اِنت۔ سردار ایاز صادق ءَ گوشت کہ مئے لیب کنوکاں یک رندے پدا وتی بے دروریں ٹیلنٹ، جزم ءُ دلیری ءِ درشان کتگ ءُ راجی بیرک برز ءَ برز کتگ۔ آئی ءَ راجی ٹیمب ءِ صلاحیت آنی سر ءَ سرجمیں دل یکیمی ءِ درشان کت ءُ گوشت کہ پاکستانی کرکٹر آنی تہ ءَ دگنیا ءِ کجام ھم ٹیم ءَ را شکست دیگ ءِ سرجمیں صلاحیت است انت۔ اسپیکر قومی اسمبلی ءَ ٹیم ءِ واستہ نیکیں واھگ آنی درشان کنان ءَ امیت سہرا کت کہ پاکستان کرکٹ ٹیم وتی سوبمندی ءِ سفر ءَ را ھمے جزبگ، لگن ءُ یکوئی ءِ تسلسل ءَ دیم ءَ بران کنت ءُ ملک ءُ قوم ءِ نام ءَ را گیش رژنا کنت۔