مزن وزیر محمد شہباز شریف ءَ احسن بھون ءَ را اسلام آباد بار کونسل ءُ پنجاب بار کونسل ءِ گچین کاری ءَ ھاسیں سوبمندی ءِ پد ءَ مبارک بات

اسلام آباد۔2نومبر  (اے پی پی):مزن وزیر محمد شہباز شریف ءَ اسلام آباد بار کونسل ءُ پنجاب بار کونسل ءِ گچین کاری آنی تہ ءَ آزاد گروپ ءُ آئی ءِ سروک احسن بھون ءَ را وتی ھاسیں سوبمندی ءِ سر ءَ مبارک بات داتگ ءُ گوشت کہ آئی ءَ را دل یکیمی اِنت کہ نوکیں گچین بوتگیں نمائندگ دیم ءَ ھم پیشہ وارانہ ءُ ایمانداری ءِ گوما کار کنگ ءَ اَنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آزات گروپ، احسن بھون ءُ درستیں سوبمندیں وکیل آنی واستہ نیکیں واھگ آنی درشان کت ءُ گوشت کہ جمہوریت ءِ مھکم کنگ، انصاف ءَ را دل یکیمی کنگ ءُ شہری آنی ھک آنی رکھینگ ءِ تہ ءَ کانود ءِ براتی ءِ ھاسیں کرد اِنت۔ آئی ءَ گوشت کہ من ءَ دل یکیمی اِنت کہ نوکیں گچین بوتگیں نمائندگ دیم ءَ ھم ایمانداری، پیشہ وارانہ ءُ چاگرد ءِ واستہ گہتریں زمہ واری ءِ گوما ازمت ءَ کن اَنت۔ مزن وزیر ءَ گوشت کہ من ءَ امیت انت کہ نوکیں گچین بوتگیں نمائندگ آناں عدلیہ ءُ کانود ءِ برجائی ءِ واستہ وتی ھاسیں کرد ءَ برجاہ دار انت۔ آئی ءَ گوشت کہ وزیر ءِ کانود وکیل آنی جیڈھ آنی گیواری ءِ واستہ سرگرمیں رنگ ءَ کار کنگ ءَ انت۔ وزیر ءِ کانود اعظم نظر ترار دائمی قانود ءِ چاگرد ءِ جیڈھ آنی گیواری ءِ واستہ کار کنگ ءَ انت ءُ آہانی گوما رابطہ ءَ انت۔ قانونی چاگرد ءَ سیاسی وابستگی ءَ چہ دریں اصولی موقف زرتگ ءُ اصولی رأی ءِ سرا سوبمندی ءِ شکل ءَ آسر رستگ انت۔