آزاد اھوالکاری یک مھکم، شفاف ءُ جمہوری پاکستان ءِ ضمانت اِنت، سرپد ءُ زمہ واریں اھوالکاری کجام ھم جمہوری چاگرد ءِ بُن ھشت اِنت، مزن وزیر محمد شہباز شریف

اسلام آباد۔2نومبر  (اے پی پی):مزن وزیر محمد شہباز شریف ءَ گوشت کہ آزاتیں اھوالکاری یک مھکمیں، شفاف ءُ جمہوری پاکستان ءِ ضمانت اِنت، آزات، سرپد ءُ ذمہ واریں اھوالکاری ھرچ جمہوری چاگرد ءِ بُن ھشت اِنت، زوراکی ءِ سر ءَ بنیات ءِ سر ءَ اُرش، دھمکی یا وتی پیشہ وارانہ زمہ واری ءِ پیلو کنگ ءِ وھد ءَ آزاتیں رنگ ءَ آھانی سر ءَ اُرش اِنت۔ مزن وزیر کارگس ءِ میڈیا ونگ ءِ نیمگ ءَ یک شمبے ءِ روچ ءَ اھوالکار آنی ھلاپ ءَ جرم آنی ھلاسی ءِ میاں اوستمانی روچ ءِ موہ ءَ جاڑی بوتگیں بیان ءِ تہ ءَ مزن وزیر محمد شہباز شریف ءَ گوشت کہ مرچیگیں روچ مارا اے گپ ءِ یات ءَ دنت کہ آزات، سرپد ءُ ذمہ واریں اھوالکاری ءِ تہ ءَ جمہوری رسائی ءِ بنیات اِنت۔ ءُ راستی ءِ بردار اَنت، وتی پیشہ وارانہ زمہ واریانی پیلو کنگ ءِ وھد ءَ آھانی ھلاپ ءَ زوراکی، دھمکی یا بدلی ءِ بنیاد ءَ جرم دراصل اظہار ءِ آجوئی ءِ سر ءَ اُرش اِنت۔ آئی ءَ گوشت کہ من اے موہ ءَ چہ جرم ءَ بیران بوتگیں مردم آنی کھول آنی گوما دلپدردی ءِ درشان کن آں ۔ من ھما درستیں اھوالکاراں یات کناں کہ آیاں پہ راستی ءُ انصاف ءِ ھاترا گرانیں جاور برداشت کتگ اَنت ءُ ھما نبشتہ کار ءُ رسانکدر ءِ کارندہانی کھولاں گوں ھمگرنچی ءِ درشان ءَ کناں کہ آیاں وتی نزیکیں مردم ڈیوٹی ءِ لیکہ ءِ تہ ءَ گار کتگ اَنت۔ آئی ءَ گوشت کہ پاکستان ءِ حکومت پریس ءِ آجوئی ءِ رکھینگ ءُ اھوالکار آنی واستہ ایمنیں چاگرد ءِ پجارینگ ءِ واستہ جزمیگ انت۔ ما صحافی آنی ھلاپ ءَ جرم آنی موثریں پٹ ءُ پول، انصاف ءِ پھجارینگ، ءُ اے جرم ءِ کنوک آنی ھلاپ ءَ قانونی کارروائی ءِ ھاترا ھرچ وڑیں گامگیج چست کن ایں ۔ آئی ءَ گوشت کہ من میاں اوستمانی براتی، میڈیا آرگنائزیشنز ءُ سول سوسائٹی ءَ چہ ھم اپیل کن آں کہ آ اھوالکار آنی رکھینگ ءُ لبز ءِ آجوئی ءِ دیمروئی ءَ وتی کرد ءَ پیلو بہ کن اَنت۔ آزاد صحافت یک مھکمیں، شَفاف ءُ جمہوری پاکستان ءِ ضمانت اِنت۔