وفاقی وزیر داخلہ محسن نقوی ءَ ٹی چوک فلائی اوور ءُ شاہین چوک انڈر پاس منصوبہ آنی تر ءُ تاب کتگ، دوئیں منصوبہ آنی سر ءَ پیشرفت ءِ چار ءُ تپاسی

اسلام آباد۔1نومبر  (اے پی پی):اسلام آباد ءِ 2میگا منصوبگ آنی سر ئَ کار ءِ رفتار ترند اِنت۔ ٹی چوک فلائی اوور منصوبگ ءِ سرجمی ءَ 60درسد کار سرجم بوتگ۔ اے فلائی اوور دسمبر ءِ بندات ءَ پہ ٹریفک ءَ پچ کنگ بیت ءُ شاہین چوک انڈر پاس ءَ را ھم یک ماہے ءِ تہ ءَ سرجم کنگ ءِ کار داتگ۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ وفاقی وزیر داخلہ محسن نقوی ءَ ٹی چوک فلائی اوور ءُ شاہین چوک انڈر پاس منصوبگ آنی تر ءُ تاب کتگ۔ وزیر داخلہ محسن نقوی ءَ دوئیں منصوبگ آنی سر ءَ پیشرفت ءِ چار ءُ تپاسی کت ءُ جوڑیشت ءِ کار آنی چار ءُ تپاسی کت۔ وزیر داخلہ محسن نقوی ءَ جوڑیشت ءِ کار آنی کوالٹی ءِ چار ءُ تپاس کت۔ وزیر داخلہ محسن نقوی ءَ منصوبگ آنی دیمروئی ءِ سر ءَ دل یکیمی ءِ درشان کت۔ تہی کارانی وزیر محسن نقوی ءَ ہدایت کت کہ توامیں جوڑیشت ءِ کار آنی تہ ءَ کوالٹی دل یکیمی کنگ بہ بیت۔ کوالٹی ءُ سپیڈ ءِ سرا ہچ وڑیں سمجھوتہ نہ بیت۔ آئی ءَ گوشت کہ فلائی اوور ءِ سرجمی ءَ گوں مسافر جی ٹی روڈ ءَ چہ سگنل فری ءَ اسلام آباد ءَ اتک کن اَنت۔ اے منصوبہ شھمکی آنی سفری جیڈھ آنی گیواری ءِ تہ ءَ یک ھاسیں سنگ میل ءِ رنگ ءَ ثابت بیت۔ ٹی چوک فلائی اوور منصوبہ ءَ چہ ٹریفک ءِ روانی ءَ را مزنیں کساسے ءَ گہتری کیت۔ تہی کارانی وزیر محسن نقوی ءَ ہدایت کت کہ شاہین چوک انڈر پاس منصوبہ ءِ جوڑیشت ءِ کار ءِ رفتار ءَ را گیش تیز کنگ بہ بیت۔ اے منصوبہ ءِ سرا 24 کلاک ءَ کار برجاہ دارگ بہ بیت۔ آیوکیں 30روچانی تہا پروجیکٹ سرجم کنگ ءِ ھاتر ءَ شپ ءُ روچ کار کنگ بہ بیت۔ آئی ءَ گوشت کہ وانگجاہ ءِ وھد ءَ ٹریفک پریشر ءُ لس جیڈھ آناں کم کنگ ءِ واستہ منصوبگ ءِ زوت سرجم کنگ المی انت۔ شھمکی آناں ٹریفک ءِ جیڈھ آنی چہ ریلیف ءِ پھجارینگ اولی ترجی اِنت۔ انڈر پاس شاہین چوک اسلام آباد ءِ نوکیں دیمروئی منصوبہ بیت۔ ممبر انجینئرنگ سی ڈی اے ءَ وزیر داخلہ ءَ را منصوبگ آنی سر ءَ پیشرفت ءِ بابت ءَ سرپد کت۔