ہندوستان ءِ پروپیگنڈا گامگیج بے  سر ءُ پاد انت، پاکستان ءِ سرڈگار کس ءِ ھلاپ ءَ کارمرد کنگ نہ بیت، تہی کارانی وزیر مملکت طلال چوہدری

اسلام آباد۔1نومبر  (اے پی پی):وزیر مملکت طلال چوہدری ءَ بھارت ءِ نیمگ ءَ چہ چلائینگ بوتگیں پروپیگنڈا گامگیج ءَ را بے بن لیک اِتگ ءُ گوشت کہ پاکستان یک ذمہ وار ءُ وت واجہیں ملکے، مئے سرڈگار کس ءِ ھلاپ ءَ کارمرد نہ بیت، پاکستان دگہ ملک آنی وت واجہی ءِ ھم احترام ءَ کنت، ایشی ءِ برعکس بھارت ءِ نا شریں دیم ءِ توازنہ ءُ میڈیا ءِ یک نادراھی یے پاکستان ءِ ذمہ واریں میڈیا جوڑ کنگ بیت کنت۔ شمبے ءِ روچ ءَ آ وفاقی وزیر ءِ اھوالکاری عطا اللہ تارڑ ءِ گوما پریس کانفرنس ءَ گوں گشتانک دیگ ءَ ات۔ آئی ءَ گوشت کہ پہلگام ءِ وئیل ءُ آپریشن سندور ءِ ناکامی ءَ چہ پیداکیں شرمندگی ءَ را مٹ کنگ ءِ واستہ بھارت ءَ بھارت ءَ را بُرزیں دست ءِ کارروائی آنی سر ءَ زور داتگ، گوستگیں روچ آنی تہ ءَ بھارت ءِ نیمگ ءَ چلائینگ بوتگیں پروپیگنڈا گامگیج بے بن ءُ من گھڑت اِنت۔ آئی ءَ دعویٰ کتگ کہ پاکستان ءِ سیکورٹی ادارگ آنی گور ءَ اے گامگیج ءِ ثبوت است انت ءُ اے معاملہ میاں اوستمانی تک ءَ ھم پدر کنگ بیت۔ وزیر ءِ مملکت ءَ گوشت کہ یک دزگیریں ماھیگ گر اعجاز ملاح ءِ کیس ھمے پروپیگنڈا ءِ یک برجمیں درور انت۔ آئی ءَ گوشت کہ انڈین کوسٹ گارڈ ءَ ستمبر ءَ یک ماہی گیر ءِ دزگیر کتگ، آئی ءَ را زندان ءِ دھمکی داتگ ءُ مالی ترغیب ھم داتگ۔ طلال چوہدری ءِ رد ءَ دزگیریں مردم ءِ حلاف ءَ پاکستانی ادارگاں 95 ہزار کلدار ءِ سودا ءِ ثبوت ءُ دگہ ریکارڈ است انت۔ طلال چوہدری ءَ گوشت کہ اے کوشست آنی تہی سیاسی مول ءُ مراد آنی واستہ ایشی ءِ امیج ءِ بحالی ءِ واستہ کنگ بوھگ ءَ انت ھاسیں رنگ ءَ بھارت ءَ گچین کاری آنی رد ءَ۔ وزیر مملکت ءَ گیش گوشت کہ پاکستان یک وت واجہ ءُ ذمہ واریں ریاستے، مئے زمین کس ءِ ھلاپ ءَ کارمرد کنگ نہ بیت ءُ ما ایندگہ ملک آنی وت واجہی ءِ احترام ءَ کن ایں ۔ اگاں راستیں جاور ھال ھست گڑا ما آئی ءَ را میان استمانی رسانکدر ءِ دیم ءَ برگ ءُ ثبوت پیش دارگ ءَ ساڑی ایں ۔ پریس کانفرنس ءِ ساھت ءَ طلال چوہدری ءَ اے ھم گْوشتگ کہ دزگیریں ملزم آنی یک ھنڈلر ءِ فون کال آنی آڈیو ھست کہ ایشی ءِ تہ ءَ پاکستانی اُرد ءَ را وردی، سم کارڈ ءُ دگہ چیز آنی پھجارینگ ءِ ھدایت دیگ بوھگ ءَ اِنت۔ اے رنگیں منظمیں گامگیج آنی مول ءُ مراد میان استمانی ءُ اندری تک ءَ پاکستان ءِ نام ءَ تاوان دیگ اِنت۔ آئی ءَ لس مھلوک ءَ را ھم ھال داتگ کہ لالچ یا ترس ءِ وسیلگ ءَ کس ءَ کارمرد مہ کن اَنت ءُ گوشت کہ سیادی داروکیں ادارگ سرجمی ءَ ھشیار اَنت ءُ ھر گامگیج ءِ سر ءَ نگرانی کنگ ءَ اَنت۔ طلال چوہدری ءَ بھارتی میڈیا ءُ دعویٰ آنی مثال دیگ ءَ گوشت کہ پیسر ءَ ھم دروگیں دعویٰ کنگ بوتگ کہ پد ءَ دروگ ثابت بوتگ۔ پریس کانفرنس ءِ وھد ءَ دزگیریں اعجاز ملاح ءِ اعترافی ویڈیو بیان ءُ آئی ءِ گوں ھندی ھنڈلر ءَ گپ ءُ تران ھم رسانکدر ءَ پیش کنگ بوتگ کہ ایشی ءِ تہ ءَ ھندی ھنڈلر آئی ءَ را پاکستانی اُرد ءَ را وردی، ٹیلی نار سم کارڈ ءُ دگہ چیزانی پجارینگ ءِ ہدایت کنگ ءَ بوتگ۔