جنید انور چوہدری ءَ پاکستان ءَ را جھان ءِ میری ٹائم معیشت ءِ مرکز جوڑ کنگ ءِ واستہ 100 سالی میری ٹائم سنچری ءِ وژن ءِ جار

کراچی ۔1نومبر  (اے پی پی):وفاقی وزیر برائے میری ٹائم محمد جنید انور چوہدری ءَ ’’پاکستان میری ٹائم سنچری (2047 ءَ چہ 2147)‘‘ ءِ سرھال ءَ یک جامع ءُ دراجیں مدتی منصوبگ پیش کتگ کہ ایشی ءِ مول ءُ مراد پاکستان ءَ را جھان ءِ میری ٹائم معیشت ءِ مزنیں مرکز جوڑ کنگ اِنت۔ کراچی ءَ ’’پاکستان میری ٹائم ہفتگ 2025‘‘ ءِ بنگیجی مراگش ءَ گوں تران کنان ءَ وفاقی وزیر میری ٹائم افیئرز ءَ گوشت کہ اے منصوبگ پاکستان ءِ کوہستانی وسیلگ، جغرافیائی جاہ ءُ بندرگاہ ءِ بنیاتی ڈھانچہ ءَ چہ سرجمیں رنگ ءَ پائدگ چست کنگ ءُ معیشت ءَ را میری ٹائم ءَ گوں سیادی داروکیں دیمروئی ءِ نوکیں راہ ءِ سر ءَ ایر کنگ ءِ واستہ تیار کنگ بوتگ۔ آئی ءَ گوشت کہ اے وژن نہ ایوک ءَ میری ٹائم وت واجہی ءِ نیمگ ءَ مزنیں گامگیج اِنت بلکینگ ءَ برجمیں دیمروئی ءِ نیمگ ءَ ھم یک مزنیں گامگیج اِنت۔ جنید چوہدری ءَ گوشت کہ ’’سمندری صدی‘‘ ءِ بنیات پنچ بنجاہی ستون آنی سر ءَ اِنت ایشی ءِ تہ ءَ بندر آنی تہ ءَ گیشی، نوکیں شپنگ بیڑے ءِ جوڑیشت، جہاز سازی ءُ ری سائیکلنگ ءِ صنعت ءِ دیمروئی، چاگرد دوستیں سمندری ٹیکنالوجی ءِ تہ ءَ سرمایہ کاری ءُ انسانی وسیلگ آنی دیمروئی ھوار اَنت۔ آئی ءَ گوشت کہ اے منصوبگ مرچی ءِ واستہ نہ انت بلکینگ ءَ آیوکیں سد سال آنی واستہ میری ٹائم دیمروئی ءِ واستہ عزم انت۔ وفاقی وزیر ءَ جار جتگ کہ پاکستان نیشنل شپنگ کارپوریشن آیوکیں یک سال ءِ تہ ءَ وتی بیڑے ءَ را 30 جہاز آنی تہ ءَ گیش کنت وھدیکہ آیوکیں سئے سال آنی تہ ءَ اے کساس ءَ را 60 جہاز آنی تہ ءَ گیش کنگ بیت۔ آئی ءِ رد ءَ اے گامگیج ءَ چہ پاکستان ءِ سالی میری ٹائم فریٹ بل ءَ را 5ارب ڈالر کم کنگ ءَ کمک رسیت۔ آئی ءَ گوشت کہ گوادر ءُ گدانی ءِ کوہ ءِ دمگ آنی تہ ءَ 12ارب کلدار ءِ ھرچ ءُ درچ ءَ نوکیں جہاز ری سائیکلنگ ءِ آسراتی جوڑ کنگ ءِ منصوبگ ءِ سر ءَ کار بندات کنگ بوتگ، وھدیکہ کوہ ءِ کمیونٹی آنی زھگ آنی وانگ ءُ زانگ ءِ واستہ ھاسیں وانگ ءُ زانگ ءِ فنڈ ھم جوڑ کنگ بوتگ تانکہ دمگی آبادی ءَ را سمندری رنگ ءَ سمندری دیمروئی ءَ چہ سیت چست کنگ بہ بیت۔ جنید چوہدری ءَ گوشت کہ پاکستان دگنیا ءِ ھاسیں تجارتی راہ آنی چوراہگ ءَ جاہ منند انت نوں وھد اتکگ کہ ما وتی جغرافیائی ارزشت ءَ را بہ زان ایں ءُ ایشی ءَ را مھکم ءِ تہ ءَ بدل بہ کن ایں ۔ آئی ءَ گوشت کہ اے وھد ءَ پاکستان ءِ میری ٹائم سیکٹر راجی جی ڈی پی ءِ تہ ءَ 0.8درسد بھر زوری کنت، ایشی ءَ را 4درسد ءَ چہ گیش کنگ ءِ ٹارگٹ کنگ بوتگ۔ آئی ءَ گوشت کہ ملک ءِ بندرگاہ اے وھد ءَ وتی گنجائش ءِ 50درسد ءَ کار کنگ ءَ اَنت، ایشی ءَ را 2047 ءَ چہ پیسر سرجمیں گنجائش ءَ آرگ بیت، وھدیکہ سے نوکیں بندرگاہ جوڑ کنگ ءِ سر ءَ ھم زوتیں وھد ءَ کار بندات کنگ بیت۔ پاکستان ءِ میری ٹائم آیوکیں وھد ءِ واستہ پائیداریں رھشونی ءِ ٹھینگ ءِ واستہ پاکستان میری ٹائم ویک 2025 ءَ پالیسی ساز، صنعت کار ءُ ماھمکین ءَ بھر زرتگ۔