بیرسٹر دانیال چوہدری ءَ گوشتگ  کہ قانونی چاگرد جمہوری ارزشت، قانون ءِ حاکمیت ءُ انصاف ءِ پھجارینگ ءِ تہا ریڑھ ءِ ہڈ انت

راولپنڈی۔1نومبر  (اے پی پی):وفاقی پارلیمانی سیکرٹری برائے اطلاعات ءُ نشریات ءِ بیرسٹر دانیال چوہدری ءَ گوشت کہ قانونی کمیونٹی جمہوری قدر ءُ قیمت آنی دیمروئی، کانود ءِ حاکمیت ءُ انصاف ءِ پھجارینگ ءِ ریڑھ ءِ ھڈ اِنت۔ حکومت انصاف ءِ نظام ءَ را مہکم کنگ ءُ الس ءِ حقانی پجارینگ ءِ واستہ وکیلاں گوں نزیکیں سیادی ءَ برجاہ دارگ ءَ انت۔ جوڈیشل کمپلیکس راولپنڈی ءِ درگت ءَ میڈیا ءَ گوں تران کنان ءَ بیرسٹر دانیال چوہدری ءَ گوشت کہ پنجاب بار کونسل ءِ گچین کاری سک باز المی انت، ایشی ءِ آسر نہ ایوک ءَ قانونی کمیونٹی ءِ سر ءَ بلکیں ملک ءِ جوڈیشل ءُ قانونی نظام ءِ سر ءَ ھم مزنیں اثرے کپ ایت۔ آئی ءَ گوشت کہ گوستگیں سپریم کورٹ بار ایسوسی ایشن ءِ گچین کاری آنی تہ ءَ ھمے پینل سوبمند بوتگ کہ آئی ءَ را سرکاری کمک بوتگ، اے گپ ءِ ثبوت اِنت کہ وکیل استحکام، انصاف ءُ کانود ءِ حاکمیت ءِ سر ءَ ایمان دار اَنت۔ آئی ءَ امیت سہرا کت کہ ھما اُمیت وار کہ آ عدلیہ ءِ آجوئی، کانود ءِ حکمرانی ءُ ملک ءَ امن ءُ ایمنی ءِ برجائی ءَ سرگرمیں کرد پیلو کنگ ءَ انت آ ھم پنجاب بار کونسل ءِ گچین کاری ءَ سوبین بنت۔ آئی ءَ گوشت کہ نوکیں سروکی انصاف ءِ سہرا کنگ، وکیل آنی جیڈھ آنی گیواری ءُ پاکستان ءِ دیمروئی ءِ واستہ سرگرمیں کرد ءَ پیلو کنت۔ اوگانستان ءِ جاور ھال آنی بابت ءَ گپ ءُ تران کنان ءَ وفاقی پارلیمانی سیکرٹری ءَ گوشت کہ پاکستان ءِ حکومت ءَ اوگان واکدار آنی گوما سئے تفصی گپ ءُ تران کتگ ایشی ءِ تہ ءَ ناشرکاری ءِ ھلاسی ءُ امن ءِ دیمروئی ءِ بابت ءَ گپ ءُ تران بوتگ۔ آئی ءَ اے گپ پدر کت کہ پاکستان ءِ واستہ ناشرکاری لال لائن انت ایشی ءِ سر ءَ ھچ وڑیں سمجھوتہ کنگ نہ بیت۔ بیرسٹر دانیال چوہدری ءَ گشتگ کہ پاکستان ءِ حلاف ءَ بھارتی پراکسی ءُ ناشرکاری کارروائی نا منگ بنت۔ پاکستان وتی سرڈگار ءِ سر ءَ ھچ وڑیں ناشرکاری کارروائی ءَ برداشت نہ کنت ءُ ایشی ءِ موثر پسو دیگ بیت۔ آئی ءَ گوشت کہ پاکستان ءِ استحکام مودی حکومت ءِ واستہ نا برداشت انت بلے پاکستان دیمروئی ءِ کشک ءَ انت ءُ وتی دژمن آنی عزائم آناں بے سوب کنت۔ بیرسٹر دانیال چوہدری ءَ گوشت کہ پاکستان چہ بندات ءَ چہ فلسطینی الس ھاسیں رنگ ءَ غزہ ءِ مظلومیں زھگ آنی ھمراھی ءَ اوشتاتگ۔ حکومت، سلاہ بندیں اُرد ءُ مہلوک درست فلسطینی براتانی کمک ءَ کن اَنت ءُ دیم ءَ ھم کمک کن اَنت۔ راولپنڈی ءَ دیمروئی منصوبگ آنی ھوالگ ءَ بیرسٹر دانیال چوہدری ءَ گوشت کہ کچہری چوک ءِ دیریں چہ بند بوتگیں مزنیں منصوبگ ءَ را دو دہائی ءَ چہ دیر کنگ ءَ پد دوبر بندات کنگ بوھگ ءَ اِنت۔ آئی ءَ گوشت کہ وکیل آنی واستہ دو پارکنگ پلازا ءُ نوکیں چیمبر جوڑ کنگ ءِ منصوبگ ھم ھوار انت۔ آئی ءَ گوشت کہ شہری آسراتی ءِ واستہ سگنل فری سڑک ءِ جوڑ کنگ ءِ سر ءَ ھم کار بوھگ ءَ انت، ایشی ءَ چہ ٹریفک ءِ نظام ءَ گہتری کیت۔ وھدیکہ مسلم لیگ ن ءَ سرکار گپتگ ملک سکیں بحران ءِ آماچ بوتگ، بلے مزن وزیر شہباز شریف ءِ سروکی ءَ پاکستان نہ ایوک ءَ معاشی استحکام ءَ رسگ ءَ انت بلکینگ ءَ جھان ءِ تک ءَ وتی نام ءَ بحال کنگ ءَ انت۔ مرچی پاکستان دیمروئی ، امن ءُ ایمنی ءِ راہ ءَ انت ۔ آئی ءَ گوشت کہ کجام وھد ءَ ملک ءِ کارکردگی ءِ چار ءُ تپاسی کنگ بیت گڈا پنجاب ءِ سرکار مدام ایندگہ صوبہ آں چہ دیم ءَ چاریت۔ مسلم لیگ ن ءَ مدام جان سلامتی، وانگ ءُ زانگ، ہسپتال آنی جوڑیشت ءُ توسیپ ءُ راجی وشھالی منصوبگ آنی تہ ءَ جوانیں کارکردگی پیش داشتگ۔ بیرسٹر دانیال چوہدری ءَ گشتگ کہ مسلم لیگ ن مہلوک ءِ حذمت ءَ جزمیگ انت ءُ مزن وزیر شہباز شریف ءِ سروکی ءَ پاکستان دیمروئی، انصاف ءُ قانون ءِ حکمرانی ءِ نوکیں درور ءِ دیم ءَ کاریت۔