چیئرمین سینیٹ ءَ گلگت بلتستان ءِ 78می آجوئی ءِ روچ ءَ مردماں مبارک بات داتگ

اسلام آباد۔1نومبر  (اے پی پی):سینیٹ ءِ چیئرمین سید یوسف رضا گیلانی ءَ گلگت بلتستان ءِ 78می آجوئی ءِ روچ ءِ درگت ءَ مبارکی دیان ءَ گوشت کہ گلگت بلتستان ءِ الس ءَ ڈوگرا حکومت ءِ ھلاپ ءَ دلیری ءُ جزم ءِ ابدمانیں مثال پیش کتگ۔ آئی ءَ گوشت کہ یکم نومبر 1947 گلگت بلتستان ءِ آجوئی ءِ جہد ءِ راجدپتری روچ اِنت کہ آ دمگ ءِ الس ءَ وتی قربانی ءُ برجمیں کوشست آنی وسیلگ ءَ آجوئی حاصل کتگ ءُ پاکستان ءَ گوں ھوار بوھگ ءِ راجدپتری پیسلہ کتگ۔ چیئرمین سینیٹ ءَ گلگت بلتستان ءِ آجوئی ءِ تحریک ءِ شہید، غازی ءُ توامیں خیرخواہ آناں شگر ءُ منت گپت کہ آہاں دمگ ءِ آجوئی ءُ پاکستان ءِ گوما ہمگرنچی ءِ واستہ وتی سر ندر کتگ انت۔ چیئرمین سینیٹ ءَ گوشت کہ گلگت بلتستان ءِ الس ءَ ھمک دور ءَ ملک ءِ دیمروئی، ایمنی ءُ دفاع ءَ ھاسیں کرد پیلو کتگ۔ آئی ءَ گوشت کہ گلگت بلتستان ءِ الس ءِ وشھالی، اقتصادی برجائی ءُ دیمروئی ءِ واستہ پارلیمنٹ مدام جزم بوتگ ءُ آیوکیں وھد ءَ ھم ھمک پڑ ءَ کمک برجاہ بیت۔ چیئرمین سینیٹ ءَ گلگت بلتستان ءَ جوانیں وانگ ءُ زانگ، جان سلامتی ءُ روزگار ءِ موہ آنی پھجارینگ ءَ را ریاست ءِ اولی ترجی آنی تہ ءَ یکے ءِ رنگ ءَ جار جنان ءَ گوشت کہ ورنا آناں بااختیار جوڑ کنگ ملک ءِ وشیں آیوکیں وھد ءِ ضمانت اِنت۔ آئی ءَ دعا کت کہ اللہ تعالیٰ پاکستان ءُ گلگت بلتستان ءَ را گیش دیمروئی، امن ءُ وشھالی ءِ نوکی ءَ بہ دنت ءُ مدام راجی یکوئی ءُ یکوئی ءِ جزبگ ءَ برجم بہ دار ایت۔