کشمیر ءِ کار ءُ گلگت بلتستان ءِ وفاقی وزیر سیفرون ءِ انجینئر امیر مقام ءَ گلگت بلتستان ءِ الس ءَ را آجوئی ءِ روچ ءِ مبارک بات داتگ

اسلام آباد۔1نومبر  (اے پی پی):کشمیر ءِ کار ءُ گلگت بلتستان ءِ وفاقی وزیر سیفرون ءِ انجینئر امیر مقام ءَ آجوئی ءِ روچ ءِ موہ ءَ گلگت بلتستان ءِ بہادریں اُلس ءَ را دل ءِ جہلانکی ءَ چہ مبارک بات دیگ ءِ وھد ءَ گوشت کہ وفاقی حکومت گلتیل بلتستان ءِ دیمروئی ءُ جوڑیشت ءَ را اولی ترجی ءَ دنت۔ سیاحت ءِ لحاظ ءَ دنیا ءِ تہا وتی جاہ ءَ زرتگ۔ شمبے ءِ روچ ءَ گلگت بلتستان ءِ آجوئی ءِ روچ ءِ موہ ءَ وتی ھاسیں کلوہ ءِ تہ ءَ وفاقی وزیر ءَ گوشت کہ گلگت بلتستان ءِ الس دو رند ءَ وتی وطن ءِ آجوئی ءِ روچ ءَ برجم دار اَنت یک رندے 14اگست ءُ دومی یکم نومبر ءَ اے روچ گلتستان ءِ راجدپتر ءِ تہ ءَ یک ھاسیں سنگ میل ءِ رنگ ءَ زانگ بیت۔ اے ھما روچ اَت کہ اے دمگ ءِ مردماں وتی آجوئی گِپت ءُ گوں پاکستان ءَ ھوار بوت اَنت۔ انجینئر امیر مقام ءَ گوشت کہ اے وشی ءِ موہ ءَ مارا جموں ءُ کشمیر ءُ فلسطین ءِ ھما برات ءُ گہار آناں ھم یات کنگ بیت کہ آھانی سر ءَ ناجائزیں وڑے ءَ بھارت ءِ قبضہ ءَ انت۔ جموں ءُ کشمیر ءِ مہلوک کہ ہندوستان ءِ ناجائزیں وڑے ءَ قبضہ ءَ انت آ ہفت دہائی ءَ چہ وتی وت واجہی ءِ حق ءِ ہاترا جنگ ءَ انت۔ من مئے سلاہ بندیں اُرد ءِ منت ءَ گِراں۔ پاکستانی اُرد مئے سیمسر ءُ حاکمی ءِ رکھینگ ءَ کن اَنت۔ آئی ءَ گوشت کہ وفاقی حکومت گلگت بلتستان ءِ دیمروئی ءُ جوڑیشت ءَ را اولی ترجی دنت۔ گلگت بلتستان سی پیک ءِ رد ءَ یک ھاسیں دمگے ۔ انجینئر امیر مقام ءَ گوشت کہ پاکستان مسلم (ن) ءَ وتی دور ءَ گلگت بلتستان ءَ ریکارڈ دیمروئی ءِ کار کتگ۔ اے دمگ سیل ءُ سواد ءِ رد ءَ دنیا ءِ تہ ءَ مزنیں بستارے ءِ واھند اِنت۔ وفاقی وزیر ءَ گوشت کہ وفاقی حکومت گلگت بلتستان ءَ سیل ءُ سواد ءِ دیمروئی ءِ واستہ اولیت ءِ بنیاد ءَ گامگیج چست کنت۔ یکجاہ ما گلگت بلتستان ءُ پاکستان ءِ دیمروئی ءِ واستہ یکجائی ءَ کار کناں۔