نائب مزن وزیر سینیٹر محمد اسحاق ڈار ءَ حکومتی کارکردگی ھاسیں رنگ ءَ درملک ءَ پاکستانی مشن آنی آپریشن آنی سر ءَ چار ءُ تپاسی ءِ دیوان ءِ سروکی ءَ کنگ ءَ انت

اسلام آباد۔1نومبر  (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ حکومتی کارکردگی ءِ ھاسیں رنگ ءَ درملک ءَ پاکستانی مشن آنی آپریشن آنی سر ءَ چار ءُ تپاسی ءِ واستہ مزن تک ءِ بین وزارتی کمیٹی ءِ دیوان ءِ سروکی ءَ کت۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ کمیٹی ءَ دیوان ءَ وتی کار ءُ آسر آنی بابت ءَ شریکیں مردم آناں سرپد کتگ۔ نائب مزن وزیر ءَ پاکستان ءِ سفارتی پروفائل ءَ را مھکم کنگ ءِ ضلورت ءِ سر ءَ زور پر دات، مشن ءِ آسر آناں راجی اسٹریٹجک مول ءُ مراد آنی گوما سرجمی ءَ یکجا کنگ ءُ درستیں سیادی داروکیں وزارت ءُ محکمہ آنی نیام ءَ گہتریں رابطہ کاری ءِ وسیلگ ءَ درملک ءَ ادارگی کارکردگی ءَ را گیش کنگ ءِ ضلورت ءِ سر ءَ زور پر دات۔ گند ءُ نند ءَ پٹرولیم ءِ وزیر، ریلوے ءِ وزیر ءِ مملکت، راجی اسمبلی ءِ دری کارانی کمیٹی ءِ چیئرمین، مزن وزیر ءِ ھاسیں کمکار ایم طارق باجوہ، سیکرٹری خارجہ آمنہ بلوچ اور کابینہ، اسٹیبلشمنٹ ڈویژن، کامرس، داخلہ، ایچ آر اینڈ ڈی ءُ  اقتصادی امور ڈویژن  ءِ  سیکریٹریز آں بہر زرت ۔ ڈویژن، مالیات، اطلاعات ءُ ہمگرنچیں محکمہ ءِ دگہ مزنیں کارندہانی بھر زوری کت۔