مزن وزیر شہباز شریف ءِ گشگ انت کہ ٹیکس نیٹ ءِ تہا 9 لکھ نوکیں ٹیکس فائلر آنی داخلہ حکومتی پالیشی آنی سرا الس ءِ دل یکیمی  ءِ عکس انت

لاہور۔1نومبر  (اے پی پی):مزن وزیر محمد شہباز شریف ءَ مالی سال 2025 ءَ 5.9ملین ریکارڈ ٹیکس ریٹرن ءِ یکجا کنگ ءِ واستہ ایف بی آر ءِ کارندہ آنی کارکردگی ءِ توسیپ کنان ءَ ءُ ذمہ واری ءِ ثبوت ءِ درشان کنگ ءِ واستہ الس ءِ منت گپت ءُ گوشت کہ 2025 ءَ 9لکھ نوکیں سرکاری ٹیکس فائلر آنی داخلہ ءِ پالیسی ءِ تہ ءَ ٹیکس ءِ نیٹ ریکشن ءِ تہ ءَ ھوار کنگ بوھگ ءَ اِنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ خدا ءِ فضل ءُ کرم ءَ چہ ٹیکس ءِ نظام ءِ تہ ءَ اصلاحات ءَ چہ جوانیں آسراتی درکپگ ءَ انت، ءُ ایف بی آر ءَ میرٹ ءِ بالادستی ءَ را اولی ترجی دیگ بوتگ۔ ایف بی آر ءَ توانمند ءُ محنتی افسر آنی دلبڈی ءُ نا شریں کارکردگی ءِ دلپروش کنگ ءِ نظام ءِ وسیلگ ءَ کارکردگی ءِ دود ءُ ربیدگ ءِ دیم ءَ آرگ بوتگ۔ مزن وزیر ءَ گوشت کہ ایف بی آر ءِ ڈیجیٹلائزیشن ءِ سر ءَ ھمک ھپتگ ءِ دیوان ءِ چیئرمین ءِ ذاتی نگرانی کنگ بوتگ۔ ٹیکس ریٹرن آسان ءُ آسان کنگ بوتگ ات۔ بندرگاہ آنی سر ءَ آٹومیٹک کلیئرنس سسٹم ءَ چہ کرپشن ءِ ھلاسی ءُ کارکردگی ءَ را گہتر کنگ ءَ را دل یکیمی کتگ۔ مزن وزیر ءَ گوشت کہ غیر رسمی معیشت ءِ ھلاسی ءِ واستہ پوائنٹ آف سیل ءِ کساس ءَ را گیش کنگ ءَ چہ سیلز ٹیکس چوری ءَ را گر ءُ دار کنگ بوت۔ گوستگیں سال ءِ مقابلہ ءَ ٹیکس ءِ آمدنی ءَ 9ارب ءِ گیشی حکومت ءِ ایف بی آر ءِ اصلاحات ءِ یک پدریں ثبوت انت۔ مزن وزیر ءَ گوشت کہ ایف بی آر ءِ نظام ءِ گیشیں اصلاحات مُدام جاری انت۔ آ شپ ءُ روچ پہ کرپشن ءُ غیر رسمی معیشت ءِ سرجمی ءَ ھلاس کنگ ءَ کار کنگ ءَ اَنت۔