صدر آصف علی زرداری گلگت ءُ بلتستان ءِ آجوئی ءِ روچ ءِ مراگش ءَ بہر زورگ ءِ واستہ گلگت ءَ سر بوتگ

اسلام آباد/گلگت۔1نومبر  (اے پی پی):صدر ءِ مملکت آصف علی زرداری گلگت بلتستان ءِ تر ءُ تاب ءِ واستہ گلگت ءَ سر بوتگ۔ شمبے ءِ روچ ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت گلگت بلتستان ءِ آجوئی ءِ روچ ءِ مراگش ءَ بھر زوری کنت۔ گورنر گلگت بلتستان سید مہدی شاہ، سر وزیر گلبر خان ءُ 10 کور ءِ کمانڈر ءَ صدر ءِ مملکت ءَ را گلگت ءَ سر بوھگ ءِ سر ءَ وش اتک کت۔ اے موہ ءِ سر ءَ دو زھگاں صدر ءِ مملکت ءَ را گلدستہ پیش کت۔