پاکستان ءَ نیشنل جیم سٹونز پالیسی  ءِ سرا کار بوھگ ءَ انت ، ھاسیں کمکار ھارون اختر خان

اسلام آباد۔31اکتوبر  (اے پی پی): مزن وزیر ءِ صنعت ءُ تجارت ءِ ھاسیں کمکار ہارون اختر خان ءَ اسلام آباد ءَ نامداریں جواہر برآمد کنوکیں کمپنی بارینل پلورائٹ ءَ گوں گند ءُ نند کت۔ وزارت صنعت ءُ تجارت ءِ نیمگ ءَ جاڑی بوتگیں بیان ءِ رد ءَ دیوان ءَ آیوکیں راجی جیم سٹونز پالیسی  ءِ سر ءَ عمل درآمد ءِ ھوالگ ءَ گپ ءُ تران کنگ بیت۔ گند ءُ نند ءِ ساھت ءَ دوئیں رہشون آنی نیام ءَ جیم سٹونز پالیسی  گہتری، مسل  جوڑ کنگ ءُ میاں اوستمانی کمک ءِ وسیلگ ءَ پاکستان ءِ گوھر ءِ شوبگ ءَ را مھکم کنگ ءِ راہ آنی سر ءَ ھیال ریچی کنگ بوت۔ ھاسیں کمکار ءَ بارنیبی کے جیم سٹونز سیٹ اپ  ءِ ھم تر ءُ تاب کتگ کہ اودا آئی ءَ را ہیرے ءِ کٹگ، درجہ بندی ءُ پیکنگ ءِ سرجمیں عمل ءِ بابت ءَ سرپدی دیگ بوتگ۔ ہارون اختر خان ءَ گوشت کہ مزن وزیر محمد شہباز شریف ءِ ھاسیں ہدایت ءِ رد ءَ جواہر ءِ برآمد کنوک ءُ جوڑ کنوک آناں آسراتی ءِ واستہ جواہرک ءِ واستہ راجی پالیشی جوڑ کنگ بوھگ ءَ انت۔ آئی ءَ گوشت کہ نوکیں پالیسی ءِ رد ءَ جواہر ءِ برآمد کنوک آناں صنعت ءِ درجہ دیگ بیت، ایشی ءَ چہ اے مزنیں کساس ءَ  لس  شوبگ  ءِ مسل  ءُ برجم  کنگ ءَ کمک رسیت، ایشی ءِ تہ ءَ اے وھد ءَ نزیک ءَ 2ارب امریکی ڈالر ءِ کل دستاویزی تجارت ھوار اِنت۔ آئی ءَ گیش گوشت کہ اے پالیشی ءِ مول ءُ مراد ملکی معیشت ءِ رسمی شوبگ ءَ جواہر ءِ صنعت ءَ را ھوار کنگ اِنت تانکہ پاکستان گیش ءَ چہ گیش زرّ ءِ درآمد ءَ بہ کنت۔ اے پالیشی ءَ را یک ماہ ءِ تہ ءَ میاں اوستمانی جوانیں رھبند ءُ سوبمندیں گلوبل ماڈل آنی رژنائی ءَ چہ کارمرد کنگ بیت۔ پاکستان ءِ معدنی وسیلگ آنی سر ءَ چمشانک دیان ءَ ھارون اختر خان ءَ گوشت کہ پاکستان قدرتی وسیلگ آنی تہ ءَ چہ مالا مال اِنت ءُ ادا جوانیں کوالٹی ءِ جواہر گندگ بنت۔ آئی ءَ پاکستان ءَ جیم سٹونز  ءِ پروسیسنگ ءِ تہ ءَ بارنیبی پلو رائٹ  ءُ آئی ءِ ٹیم ءِ تکنیکی ازمکاری ، نوآبادیاتی ءُ ازمت آناں ساڑات۔