امریکہ ءِ گوما سیادی ءِ تہا نوکیں جہت، چین ءِ گوما دیریں شریکداری ءُ سعودی عرب ءِ گوما اسٹریٹجک کمک گیش مھکم بوھگ ءَ انت، وزیر خزانہ محمد اورنگزیب

اسلام آباد۔31اکتوبر  (اے پی پی): وفاقی وزیر برائے مالیات ءُ آمدنی محمد اورنگزیب ءَ گوشت کہ امریکہ ءِ گوما سیادی نوکیں رنگ ءَ زورگ ءَ انت، چین ءِ گوما دیریں شریکداری ءُ سعودی عرب ءِ گوما اسٹریٹجک کمک گیش مھکم بوھگ ءَ انت ءُ حکومت ءِ اولی ترجی پاکستان ءِ مالیاتی ءِ دیمروئی، استحکام ءُ رکھینگ انت۔ آئی ءَ اے گپ جمعہ ءِ روچ ءَ امریکی کریٹکل منرل فورم ءِ صدر رابرٹ لوئیس اسٹرائکر ءَ گوں گند ءُ نند ءِ ساھت ءَ کت۔ گند ءُ نند ءَ پاکستان ءَ امریکی چارج ڈی افیئرز نیٹلی بکرہ ءُ وزارت ءِ ھزانگ ءُ ھمگرنچیں ادارگ آنی مزنیں کارندہ ھم ھوار اتنت۔ گند ءُ نند ءَ پاکستان ءِ معدنی ءُ کان کنی ءِ شوبگ ءَ کمک ءِ گامگیج آنی سر ءَ دلگوشی کنگ بوت، سپلائی چین ءَ را مھکم کنگ ءُ ذمہ وار ءُ پائیدار سرمایہ کاری ءَ را دیمروئی دیگ بوت۔ وزیر خزانہ ءَ ڈل ءَ را وش آتک کنگ ءِ وھد ءَ پاکستان ءِ مھکمیں اقتصادی رھبند ءُ اقتصادی اشارہ آنی تہ ءَ گہتری ءِ سر ءَ زور پر دات ءُ گوشت کہ پاکستان ءَ درملکی سرمایہ کاری ءِ دیمروئی، مھکم ءُ رکھینگ ءِ واستہ پائیدار مالیاتی ءُ مالیاتی نظم ءُ ضبط ءِ برجائی حکومت ءِ اولی ترجی اِنت۔ اقتصادی استحکام ءِ مھکمیں بُن ھشت ءِ جوڑ کنگ ءِ سبب ءَ سرجمیں کاروباری چاگرد ءَ گہتری اتکگ ءُ گلوبل ریٹنگ ایجنسی آنی نیمگ ءَ چہ جوانیں سگنل رستگ انت۔ وزیر ءِ ھزانگ ءَ گوشت کہ حکومت ءَ معیشت ءِ تہ ءَ گہتریں ڈھانچہ ءِ اصلاحات ءِ بندات کتگ، ایشی ءِ تہ ءَ بجلی ءِ شوبگ ءِ نوکیں رنگ ءَ جوڑ کنگ، ٹیکس ءِ نظام ءَ را گہتر کنگ، ٹیکس نیٹ ورک ءَ را گیش کنگ ءُ مالیاتی استحکام ءِ واستہ سرجمیں روڈ میپ ھوار انت۔ آئی ءَ وزارت خزانہ ءَ ٹیکس پالیسی یونٹ ءِ جوڑ کنگ ءُ اے گامگیج ءِ وسیلگ ءَ پالیسی سازی ءَ را انتظامی جیڈھ آنی چہ جتا کنگ ءَ گورننس ءَ را گہتر کنگ ءِ حکومت ءِ عزم ءِ ھم ذکر کت۔ وزیر ءِ ھزانگ ءَ گوشت کہ حکومت ءَ 24سرکاری ادارگ نجکاری کمیشن ءِ سپرد کتگ تانکہ سرکاری ادارگ آنی کارکردگی گہتر کنگ بہ بیت ءُ مالیاتی ڈسپلن ءَ را مھکم کنگ بہ بیت۔ آئی ءَ گوشت کہ پاکستان اے وھد ءَ میاں اوستمانی سیادی آنی تہ ءَ یک جوانیں موڑ ءِ سر ءَ اوشتاتگ ءُ امریکا ءِ گوما سیادی آنی تہ ءَ نوکیں دور، چین ءِ گوما دیریں شریکداری ءُ سعودی عرب ءِ گوما اسٹریٹجک کمک گیش مھکم بوھگ ءَ انت۔ وزیر ءِ ھزانگ ءَ معدنیات ءُ کان کنی ءِ شوبگ ءَ را پاکستان ءِ معیشت ءِ تہ ءَ نوکیں موہ ءُ بدلی ءِ وسیلگ ءُ پاکستان ءِ درآمد ءِ سر ءَ بنیات ءِ معیشت ءَ چہ برآمد ءِ سر ءَ بنیات ءِ معیشت ءِ نیمگ ءَ رؤگ ءِ راہ ءُ ضامن ءِ رنگ ءَ گوشت۔ آئی ءَ گوشت کہ یک مھکمیں معدنی پالیسی ءِ وسیلگ ءَ بار بار براؤنی ءِ خسارہ ءِ دباؤ ءَ را چہ دیم ءَ رؤگ ءُ میاں اوستمانی ادارگ آنی سر ءَ انحصار ءَ را کم کنگ ءَ کمک رس ایت۔ گند ءُ نند ءِ ساھت ءَ امریکہ ءِ کرٹیکل منرلز فورم ءِ صدر رابرٹ لوئیس اسٹیونز ءَ فورم ءِ مول ءُ مراد ءِ سر ءَ چمشانک دات ءُ ھاسیں رنگ ءَ امریکی حکومت ءِ کمک ءَ ھاسیں رنگ ءَ دیمروئی کنوکیں مارکیٹ آنی تہ ءَ یک شفاف ءُ ایمنیں معدنی سپلائی چین ءِ دیمروئی ءِ تہ ءَ فورم ءِ کرد ءِ سر ءَ چمشانک دات۔ آئی ءَ گوشت کہ فورم ءِ دلگوشی تانبہ ءُ نادر زمینی دھات آنی سر ءَ اِنت تانکہ اے دھات آنی تہ ءَ سرمایہ کاری ءَ چہ مالی ءُ سیکورٹی رسک آناں چہ دیم ءَ رؤگ بہ بیت۔ آئی ءَ امریکہ ءَ نجی سرمایہ کار آنی بھروسہ ءَ را گیش مھکم کنگ ءِ عزم ءِ سر ءَ پدا زور دات۔ امریکی ڈل ءَ سائنس، انجینئرنگ ءُ ریاضی ءِ پڑ ءَ پاکستان ءِ ٹیلنٹ ءَ را ملک ءِ مزنیں اثاثہ ءُ مھکم لیک اتگ ءُ گوشت کہ پاکستان آیوکیں وھد ءَ ھاسیں معدنیات ءِ دیمروئی ءِ واستہ دمگی مرکز ءِ رنگ ءَ ابھر بوھگ ءَ انت۔ امریکی چارج ڈی افیئرز نیٹلی بکرم ءَ امریکی ءُ پاکستان ءِ نیام ءَ تجارتی کاروائی آناں دیمروئی دیگ ءِ واستہ سفارت خانہ ءِ کمک ءِ یک رندے پدا گوشت کہ معدنیات ءِ شوبگ ءَ سرمایہ کار آنی مھکمیں بھروسہ ءُ یک جوانیں ریگولیٹری فریم ورک ءِ ضلورت اِنت۔ وزیر ءِ ھزانگ ءَ جست آنی پسو ءَ گوشت کہ پاکستان کانودی ءُ ریگولیٹری اصلاحات آنی سر ءَ کار کنگ ءَ انت ءُ حکومت کرٹکل منرل فورم ءَ کمک ءِ واستہ باقاعدہ تجویز پیش کنت۔ آئی ءَ گوشت کہ پاکستان فورم ءِ نیمگ ءَ یک سرجمیں فریم ورک ءِ جوڑ کنگ ءَ را وش اتک کنت ءُ ذمہ وار سرمایہ کاری ءُ وت مہ وتی سیت ءِ رھبند آنی رد ءَ ایشی ءِ چار ءُ تپاسی ءَ کنت۔ وزیر ءِ ھزانگ ءَ امارات ءِ ڈل ءَ را واشنگٹن ءَ ڈی ایف سی ءُ آئی ایف سی ءَ ھوار بازیں میاں اوستمانی مالیاتی ادارگ آنی گوما گوستگیں گند ءُ نند ءُ پاکستان ءَ سرمایہ کاری ءَ را گیش کنگ ءِ ارادہ آنی بابت ءَ سرپد کت۔ آئی ءَ امارات ءِ سفارتخانہ ءِ ھم کمک ءِ سر ءَ ھم منت گپت۔ وزیر ءِ درئی کار ءَ کان کنی ءِ شوبگ ءَ کمک ءَ را برجاہ دارگ ءُ پاکستان ءِ اقتصادی اصلاحات ءِ ایجنڈا ءُ پائیدار دیمروئی ءِ یکجائی مول ءُ مراد آنی گوما ھمگرنچ کنگ ءِ وتی عزم ءِ سر ءَ پدا زور دات۔