پاور ڈویژن ءَ کسٹمر سروسز ءُ سسٹم ءِ کارکردگی ءَ را گہتر کنگ ءِ ھاتر ءَ سمارٹ میٹرنگ ءِ  بندات کتگ

اسلام آباد۔31اکتوبر  (اے پی پی): پاور ڈویژن ءَ ملک ءِ بجلی ءِ بھر ءُ بانگ ءِ کمپنی آنی تہ ءَ سمارٹ میٹر آنی مزنیں کچے ءَ کارمرد کنگ ءِ وسیلگ ءَ صارف آناں سروس ءِ پجارینگ ءَ را گہتر کنگ ءُ سسٹم ءِ کارکردگی ءَ را گہتر کنگ ءِ واستہ سمارٹ میٹرنگ ءِ اصلاحات بندات کتگ۔ پاور ڈویژن ءِ جارکش ءِ رد ءَ نیٹ میٹرنگ صارف ءُ ادارگ ءِ نیام ءَ بنیاتی انٹرفیس ءِ کرد ءَ پیلو کنت۔ وزارت ءِ مالی سال 2025-26 ءَ را ”کسٹمر سروس ءِ گہتری ءِ سال“ ءِ جار جنگ ءِ رد ءَ ڈی ایس سی اوز ءَ وتی بنیاتی ڈھانچہ ءَ را نوک کنگ ءِ واستہ یک جامع ڈیجیٹلائزیشن پروگرام ءِ بندات کتگ۔ اے گامگیج ءِ مول ءُ مراد ڈیٹا ءِ ریئل ٹائم رسائی ءِ پجارینگ، شفافیت ءَ را گیش کنگ ءُ کسٹمر ءِ سرجمیں تجربہ ءَ را گہتر کنگ اِنت۔ ترجمان ءَ گوشت کہ اصلاحات ءِ عمل ءَ سمارٹ میٹر آنی نرخ آنی سر ءَ مزنیں رکاوٹ لیکگ بوتگ، ایشی ءِ سر ءَ پاور ڈویژن ءَ براہ راست مداخلت کتگ ءُ ھرچ ءُ درچ ءِ عقلی کنگ ءِ واستہ گامگیج چست کتگ۔ ملک ءِ تہ ءَ 38 میلیون ءِ نزیک ءَ بجلی ءِ کارمرز کنوکاں چہ 80 درسد ءِ نزیک ءَ یک پڑ ءِ کارمرز کنوک اَنت۔ حالی ئیں وھد ءَ تاں یک مرحلہ ءِ سمارٹ میٹر ءِ قیمت 20 ہزار کلدار ءِ نزیک ءَ بوتگ کہ اے چہ میاں اوستمانی معیار ءَ باز گیش بوتگ۔ شفاف ءُ مقابلہ ءِ حصولیابی، حکومتی مداخلت ءُ برجاھیں نگرانی ءِ آسر ءَ اے نرخ ءِ تہ ءَ کم کنگ بوتگ ءُ ایشی ءِ تہ ءَ یک میٹر ءِ کساس 15ہزار کلدار بوتگ۔ ترجمان ءِ رد ءَ ایوک ءَ اے مالیاتی اصلاحات ءَ چہ سالانہ بنیاد ءَ راجی تک ءَ 25ارب کلدار ءِ کساس ءَ بچت ءِ گمان اِنت بشرطیکہ سالانہ 5ملین میٹر ءِ بدل کنگ ءِ عمل برجاہ بہ بیت۔ میٹر ءِ نرخ ءِ تہ ءَ کمی ءَ چہ نوکیں سمارٹ میٹر ءِ گرگ ءِ صارف آنی سر ءَ مالی دباؤ ءَ را مزنیں کساسے ءَ کم کنگ بیت ءُ اے ٹیکنالوجی نسبتا کمیں ھرچ ءُ درچ ءَ دست کپ ایت۔ ایشی ءَ ابید اے گمان اِنت کہ آیوکیں میاں اوستمانی مقابلہ ءِ ٹینڈر آنی پد ءَ نرخ آنی تہ ءَ گیش کمی کیت۔ ترجمان ءَ گیش گوشت کہ اے گامگیج ءَ چہ انسانی مداخلت کم بیت ءُ میٹر ریڈنگ ءِ عمل ءَ را مزنیں کساسے ءَ گہتر کنگ بیت۔ خودکار ءُ دور دراز ءِ وانگ ءَ چہ نہ ایوک ءَ درستی ءَ گیشی کیت بلکیں بلنگ سسٹم ءِ تہ ءَ صارفین ءِ اعتماد ءَ را ھم گیش کنت۔ دستی ریڈنگز ءِ ھلاس کنگ ءَ چہ ردیں، مشکوکیں یا جھیڑوی ریڈنگز ءِ دیریں جیڑھاں مزنیں کساسے ءَ کم کنگ بیت، صارفین ءُ آھانی وتی وتی ڈسکام ءِ نیام ءَ سیادی گیش شفاف ءُ قابل اعتماد جوڑ بیت۔ سمارٹ میٹر ءِ ایر کنگ ءَ پد صارف جدید فیچرز ءَ گوں لیس موبائل ایپلی کیشنز ءِ وسیلگ ءَ ریئل ٹائم ءَ وتی بجلی ءِ کھپت ءِ نگرانی ءَ کن اَنت۔ اے صارفین ءَ را وتی توانائی ءِ کھپت ءِ سر ءَ شریں کنٹرول دنت ءُ آ وتی بجلی ءِ ھرچ ءُ درچ ءَ را گیش ذمہ واری ءِ گوما دیم ءَ برگ ءِ اہل بنت۔ آئی ءَ گوشت کہ صارفین آنی واستہ ھاسیں نپ آنی تہ ءَ بجلی ءِ کارمردی ءِ ریئل ٹائم مانیٹرنگ ءِ آسراتی، توان ءِ کارمردی ءُ بلنگ ءِ سر ءَ گیش موثر کنٹرول، میٹر ءِ راست ءُ ٹیمپر پروف ریڈنگ، پری پیڈ میٹرنگ سروسز ءِ آیوکیں وھد ءَ عمل درآمد ءِ واستہ راہ پچ کنگ ھوار اِنت۔ ھمے رنگ ءَ ڈسکام آنی نیمگ ءَ میٹر آنی ریموٹ ریڈنگ ءُ بلنگ ءِ تہ ءَ گیشیں درستی، ترندیں بلنگ ءُ شکایت آنی گیواری، بجلی ءِ نیٹ ورک ءِ سر ءَ جوانیں نگرانی ءُ کنٹرول، ردی ءُ بجلی ءِ بندش ءِ وھد ءِ سر ءَ پجارینگ ءُ زوتیں رنگ ءَ بحالی، آپریشنل مینجمنٹ ءِ تہ ءَ گہتری ءُ سیفٹی ءِ تہ ءَ مزنیں نفع ءِ معیار ءِ تہ ءَ گیشی ءِ ھاسیں ارزشت ھوار اَنت۔ ترجمان ءَ گوشت کہ اے گامگیج پاکستان ءِ بجلی ءِ شوبگ ءَ را ڈیجیٹل کنگ ءُ صارف ءَ را شفاف، ترند ءُ آسانیں ازمت آنی پجاری ءِ واستہ پاور ڈویژن ءِ جاری کوشست آنی تہ ءَ یک مزنیں سنگ میل ءِ نشان اِنت۔ اے بجلی ءِ بہر ءُ بانگ ءِ نظام ءِ ڈیجیٹل بدلی ءِ نیمگ ءَ یک کلیدی گامگیج ءُ حکومت پاکستان ءِ بجلی ءِ شوبگ ءِ اصلاحات ءِ ایجنڈا ءِ بنیاتی بہر اِنت۔