9 مردم دزگیر ،  گیر کانودی رنگ  ءَ ایران ءَ روگ ءِ کوشست ناکام

کوئٹہ۔ 31 اکتوبر (اے پی پی): فیڈرل انویسٹی گیشن ایجنسی (ایف آئی اے)کمپوزٹ سرکل گوادر ءَ سوبمندیں آپریشن ءِ تہ ءَ 9 مردم دزگیر کتگ کہ آ دریا ءِ وسیلگ ءَ ناجائزیں رنگ ءَ ایران ءَ روگ ءِ کوشست ءَ کنگ ءَ اتنت۔ ایف آئی اے ءِ جارکش ءِ رد ءَ دزگیریں ملزم پنجاب ءِ جتا جتائیں ضلع آنی مردم اَنت کہ ایشانی تہ ءَ 6 منڈی بہاؤ الدین ءِ مردم اَنت، 2 گجرانوالہ ءِ مردم ءُ 1 شیخو پورہ ءِ مردم اَنت۔ ایف آئی اے ءِ کارندہانی رد ءَ اے درستیں ملزم چہ جیوانی ءِ کوہ ءِ دمگ ءَ دزگیر کنگ بوتگ اَنت کہ آ چہ پاکستان ءَ ناجائزیں وڑے ءَ ایران ءَ روگ ءِ کوشست ءَ اِت اَنت۔ بنداتی پٹ ءُ پول ءَ پدر بوتگ کہ ملزم ایران ءِ راہ ءَ دگہ ملکاں روگ ءِ ارادہ ءَ بوتگ انت۔ ایف آئی اے ءِ جارکش ءَ گیش گوشت کہ دزگیریں مردمانی حلاف ءَ انسانی دزگیری ءُ ناجائزیں سیم سر ءَ چہ گوزگ ءِ ارش ءِ سر ءَ کیس درج کنگ بوتگ ءُ گیشیں پٹ ءُ پول برجاہ اِنت۔ ایف آئی اے ءِ جارکش ءَ اے گپ ءِ پدرائی کت کہ انسانی سوداگری ءَ ہواریں عناصر ءِ ھلاپ ءَ کارروائی کنگ بوھگ ءَ اِنت ءُ اے وڑیں ناجائزیں کارانی دلپروش کنگ ءِ ھاترا سرجمیں وسیلگ کارمرد کنگ بوھگ ءَ اَنت۔