افغان فوج افغان سرزمین ءَ چہ پاکستان ءِ ھلاپ ءَ سرحد ءِ سرا ناشرکاری ءِ اجازت نہ دنت، پاکستان ھاسیں رنگ ءَ خیبر پختونخوا چہ ناشرکار ءُ آہانی سروک آں چہ  پاک کنگ بیت، فیلڈ مارشل سید عاصم منیر

راولپنڈی۔30اکتوبر  (اے پی پی):چیف آف آرمی اسٹاف فیلڈ مارشل سید عاصم منیر ءَ پاک اوگانستان ءِ نیام ءَ کش ءُ چیل ءِ وھد ءَ قبائلی مردمانی نیمگ ءَ سیکورٹی فورسز ءِ بے شرطیں کمک ءِ توسیپ کنان ءَ گوشت کہ اوگان سرزمین ءَ چہ پاکستان ءِ ھلاپ ءَ سرحد ءِ سر ءَ ناشرکاری ءِ اجازت دیگ نہ بیت، پاکستان ءِ ھاسیں رنگ ءَ  خیبر پختونخوا ءَ را  ناشرکار آں چہ  ھاسیں رنگ ءَ وتی  سروک آں چہ پاک کنگ بیت۔ اے گپ  پنچ شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ آرمی اسٹاف ءِ سروک فیلڈ مارشل سید عاصم منیر ءَ پشاور ءِ تر ءُ تاب کتگ ات کہ اودا آئی ءَ قبائلی بزگ آنی جرگا ءِ گوما سرجمیں گند ءُ نند کتگ ات۔ ایشی ءَ ابید آرمی چیف ءَ را 11 کورہیڈ کوارٹرز  آنی تہ ءَ استیں سیکورٹی ءِ جاور ھال آنی بابت ءَ ھم سرپد کنگ بوت۔ استیں آپریشنل جاور ھال، پاک اوگان سیم سر ءِ ھوالگ ءَ امن ءُ ایمنی ءُ انسداد ناشرکاری ءِ کوشست آنی ھوالگ ءَ سرجمیں بریفنگ دیگ بوت۔ فیلڈ مارشل سادھ عاصم منیر ءَ پاک اوگان جیڈھ ءِ وھد ءَ قبائلی مردم آنی نیمگ ءَ چہ سیکورٹی فورسز ءِ بے شرطیں کمک ءِ توسیپ کت ءُ ناشرکاری ءِ ھلاپ ءَ جنگ ءَ خیبر پختونخوا ءِ مردم آنی قربانی آنی سر ءَ یات کت۔ قبائلی بزگیں مردماں ناشرکاری ءُ اوگان طالبان ءِ ھلاپ ءَ سلاہ بندیں اُرد ءِ سرجمیں کمک ءِ پدرائی کتگ۔ فیلڈ مارشل عاصم منیر ءَ اے گپ ءِ سر ءَ زور پر دات کہ پاکستان اوگانستان ءَ وتی توامیں ھمساھگیں ملک آنی گوما ایمنی ءِ واھشت مند اِنت، بلے اوگان سرڈگار ءَ چہ پاکستان ءِ ھلاپ ءَ سیم سر ءَ چہ کراس ناشرکاری ءِ موہ نہ دنت۔ آئی ءَ گوشت کہ اوگانستان ءِ نیمگ ءَ چہ سیم سر ءِ سرا ناشرکاری ءِ برجائی ءَ ابید گوستگیں لھتیں سال آنی تہ ءَ پاکستان ءَ صبر ءُ اوپار ءِ درشان کتگ ءُ پاک اوگانستان ءِ دو نیمگی سیادی ءَ را گہتر کنگ ءِ واستہ بازیں رند ءَ اوگانستان ءِ گوما سفارتی ءُ اقتصادی کمک ءِ تہ ءَ گیشی کتگ۔ آئی ءَ گوشت کہ بھارت ءِ سرپرستی ءَ ناشرکاریں پراکسی فتنہ خوارج  ءُ فتنہ ہندوستان ءِ ھلاپ ءَ فیصلہ کنوکیں گامگیج زورگ ءِ بدل ءَ اوگان طالبان اے گل آناں ھرچ وڑیں کمک کنگ ءَ انت۔ فیلڈ مارشل عاصم منیر  ءَ قبائلی بزگ آناں دل یکیمی دات کہ پاکستان ھاسیں رنگ ءَ خیبر پختونخوا ناشرکار ءُ آھانی سرپرستاں چہ پاک کنگ بیت۔ اے موہ ءِ سر ءَ قبائلی بزگ آں فیلڈ مارشل سید  عاصم منیر  ءِ نیمگ ءَ چہ زورگ بوتگیں سدکیں لیکہ  ءِ ساڑات ءُ پاکستان ءَ ایمنی  ءِ واستہ وتی بے دروریں جزم ءِ درشان کت۔ آئی ءَ اے گپ پدر کت کہ خیبر پختونخوا ءِ قبیلہانی تہا فتنہ الخوارج  ءِ لیکہ  ءِ ہچ وڑیں منّگ نیست۔ ایشی ءَ چہ پیسر پشاور ءَ سر بوھگ ءِ وھد ءَ کور ءِ کمانڈر پشاور ءَ آرمی چیف ءَ را وش اتک کت۔