وفاقی وزیر تجارت جام کمال خان ءُ صنعتانی باروا مزن وزیر ءِ ھاسیں کمکار ہارون اختر خان ءَ وزارت تجارت ءَ گند ءُ نند

اسلام آباد۔30اکتوبر  (اے پی پی): وزارت تجارت ءَ وفاقی وزیر تجارت جام کمال خان ءُ صنعت آنی باروا مزن وزیر ءِ ھاسیں کمکار ہارون اختر خان ءِ سروکی ءَ مزن تک ءِ دیوان برجم دارگ بوت ایشی ءِ تہ ءَ آٹوموٹو شوبگ ءِ واستہ پالیسی گامگیج، پاکستان ءَ کارمرد بوتگیں آسراتی ءِ پھجارینگ ءِ پاکستان ءَ را لوکل مینوفیکچر ءِ درآمد ءِ ریگولیشن ءُ جائزہ زرتگ۔ گند ءُ نند ءَ پاکستان آٹوموٹو مینوفیکچررز ایسوسی ایشن ءُ پاکستان آٹوموٹو پارٹس اینڈ ایکسیسریز مینوفیکچررز ایسوسی ایشن ءِ ڈل ءَ ابید وزارت تجارت، وزارت صنعت ءُ پیداوار ءُ ایف بی آر ءِ مزن مزنیں کارندہ آں شریک بوت۔ دیوان ءَ گوں گشتانک دیان ءَ جام کمال خان ءَ گوشت کہ کارمرد بوتگیں گاڑی آنی تجارتی درآمد ءِ پچ کنگ ءَ پد آٹوموبائل ءُ آٹو پارٹس انڈسٹری ءِ جاور ھال آنی سر ءَ چار ءُ تپاسی کنگ بوتگ ءُ اوورسیز پاکستانی آنی نیمگ ءَ گاڑی آنی درآمد ءِ واستہ جتا جتائیں اسکیم آنی سر ءَ ھیال ءُ لیکہ کنگ بوتگ وھدیکہ اے گپ ءَ را دل یکیمی کنگ بوتگ کہ حقیقی اوورسیز پاکستانی آناں شفاف رنگ ءَ پجاری کنگ بہ بیت۔ گاڑی ءِ وسیلہ ءَ آسراتی دیگ بہ بیت۔ وفاقی وزیر جام کمال خان ءَ گوشت کہ ای ڈی بی ءِ نیمگ ءَ چہ دیم ءَ آؤرتگیں پری شپمنٹ ءُ پوسٹ شپمنٹ ءِ معائنہ ءِ نظام ءِ بندات ءُ کوالٹی کنٹرول ءِ سختیں گامگیج آنی سر ءَ عمل کنگ ءَ چہ کارمرد بوتگیں گاڑی آنی تجارتی درآمد ءِ ناجائز کارمردی ءَ را جوانیں رنگ ءَ دلپروش کنگ بیت۔ آئی ءَ گوشت کہ کوالٹی انسپکشن ءِ سر ءَ عمل کنگ ءُ درآمد ءِ ھاسیں رھبند آنی رد ءَ مئے مول ءُ مراد پاکستان ءِ صنعتی دیمروئی ءِ کمک ءِ وھد ءَ ایشی ءِ رد ءَ عمل کنگ ءُ شفافیت ءَ را گیش کنگ اِنت۔ آئی ءَ اے گپ ءِ پدرائی کت کہ وزارت ءِ اولویت بنجاہی صنعت ءُ صنعت کار آناں آسراتی دیگ اِنت، ایشی ءَ چہ بنجاہی شوبگ ءَ را گیش مقابلہ ءُ وت واجہی ءِ تہ ءَ کمک رسیت۔ وزیر تجارت ءَ گوشت کہ وزارت کارمرد بوتگیں گاڑی آنی درآمد ءِ واستہ جتا جتائیں اسکیم آنی تہ ءَ ترمیم ءِ واستہ تجویز جوڑ کنگ ءَ انت ھما جاہ ءَ کہ اسکیم آنی تجارتی استحصال ءِ امکانات ءَ را کم کنگ بیت۔ آئی ءَ گوشت کہ تجارتی کارمرد بوتگیں گاڑی آنی درآمد آنی سر ءَ 40درسد ءِ گیشیں ریگولیٹری ڈیوٹی ایر کنگ بوتگ، ایشی ءَ را ھر سال کم کم ءَ کم کنگ بیت تانکہ منصفانہ مارکیٹ ءِ حرکیات ءَ را دل یکیمی کنگ ءِ وھد ءَ دمگی آٹوموٹو صنعت ءِ واستہ متوازن ترغیب ءِ ڈھانچہ ءِ پھجارینگ بہ بیت۔ دیوان ءَ سامان ، تحفہ ءُ جاہ ءِ اسکیم آنی ٹرانسفر ءِ ہم آہنگی ءِ تجویز ءِ سر ءَ ھم چار ءُ تپاسی کنگ بوت۔ حکام ءَ گشتگ کہ انوگیں فریم ورک ءِ رد ءَ سامان ءِ اسکیم ءِ اہلیت ءِ ھاتر ءَ درملک ءَ شش ماہ ءِ نندگ ءِ ضلورت انت۔ صنعت ءِ نیمگ ءَ اے گپ ءِ سوج دیگ بوتگ کہ ھر سئیں اسکیم آنی تہ ءَ اہلیت ءِ مدت ءَ را گیش ءَ چہ گیش ممکنہ مدت ءَ معیاری کنگ بہ بیت، ریگولیٹری عمل ءَ را آسان کنگ بہ بیت ءُ یکسانیت ءَ را دل یکیمی کنگ بہ بیت۔ ھاسیں کمکار ہارون اختر خان ءَ صنعت ءِ تعمیری مشغولیت ءِ توسیپ کت ءُ کامرس ءُ انڈسٹریز ڈویژن آنی نیام ءَ نزیکیں رابطہ ءِ ضلورت ءِ سر ءَ زور پر دات۔ آئی ءَ گوشت کہ پائیدار ءُ مقابلہ ءِ آٹوموٹو ایکوسسٹم ءِ جوڑیشت ءِ واستہ اے رنگیں وت مہ وتی مشورہ المی اِنت۔ آئی ءَ دوئیں تجارتی ادارگ آناں دلبڈی دات کہ آ آیوکیں آٹوموبائل پالیسی ءِ ھوالگ ءَ ترندیں رنگ ءَ تجویز آناں شیئر بہ کن اَنت پرچا کہ وھد کم اِنت ءُ وزارت صنعت نومبر ءَ تاں ایشی ءَ را گڈی رنگ دیگ ءِ واستہ کار کنگ ءَ اِنت۔ گپ ءُ تران ءِ ساھت ءَ اے اے پی ایم اے ءُ پاما ءِ نمائندگاں لوکلائزیشن، وینڈر ءِ دیمروئی، ٹیرف ءِ عقلی کنگ، ءُ پٹ ءُ پول ءُ دیمروئی ءِ ترغیب ءِ ھوالگ ءَ تفصیلی تجویز پیش کتگ۔ وفاقی وزیر ءَ صنعت ءَ را پنت ءُ شون کت کہ آ یک دراجیں مدتی آٹوموٹو پالیسی ءِ ھاتر ءَ جامع تجویز پیش بہ کنت کہ راجی صنعتی مول ءُ مراد آنی گوما ہمگرنچ بہ بیت۔ آئی ءَ گوشت کہ مئے مول ءُ مراد ایوک ءَ درآمدات ءِ نادراھی ءَ را کنٹرول کنگ نہ اِنت بلکینگ ءَ لوکل مینوفیکچرنگ ءَ را مھکم کنگ ءُ جھان ءِ مقابلہ ءِ واستہ پاکستان ءِ گنجائش ءَ را گیش کنگ اِنت۔