وفاقی داخلہ ءِ وزیر محسن نقوی ءَ بلوچستان ءَ بھارت ءِ سرپرستی ءَ ناشرکارانی ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را  توسیپ ءُ ستا

اسلام آباد۔30اکتوبر  (اے پی پی): وفاقی تہی کارانی وزیر محسن نقوی ءَ بلوچستان ءَ بھارت ءِ سرپرستی ءَ ناشرکارانی ھلاپ ءَ سوبمندیں آپریشن ءِ واستہ سیکورٹی فورسز ءَ را شگر ءُ منت درشان کتگ۔ وزیر داخلہ ءَ وتی بیان ءِ تہ ءَ 18 ناشرکار آنی کوش ءِ واستہ سیکورٹی فورسز ءِ پیشہ وارانہ صلاحیت آناں ساڑاتگ۔ محسن نقوی ءَ گوشت کہ سیکورٹی فورسز ءَ وھد ءِ سر ءَ گامگیج چست کتگ ءُ بلوچستان ءَ ھندی پراکسی فتنہ الخریج ءِ بد نیتی ناکام کتگ۔ آئی ءَ گوشت کہ 18 ناشرکار آنی کوش ءِ پد ءَ سیکورٹی فورسز ءَ را سلام پیش کناں ءُ سیکورٹی فورسز ءِ افسر ءُ مردین آنی بہادری ءُ پیشہ وارانہ ازم ءِ سر ءَ پھر کناں۔ وزیر ءِ تہی کاراں گوشت کہ سیکورٹی فورسز ءَ ناشرکاری ءِ ھلاپ ءَ جنگ ءَ مزنیں سوبمندی یے رستگ ءُ سیکورٹی فورسز بلوچستان ءَ امن ءِ برجائی ءِ واستہ جزمیگ اَنت۔