سیکورٹی فورسز ءَ پاک اوگانستان ءِ سیمسر ءَ چہ خوارج ءِ پترگ  ءِ کوشست ناکام کتگ، درملکی کمانڈر ءَ ھوار 4 ناشرکار جنگ  بوتگ، آئی ایس پی آر

راولپنڈی۔30اکتوبر  (اے پی پی): سیکورٹی فورسز ءَ پاک اوگانستان ءِ سیمسر ءَ چہ خوارج ءِ نفوذ ءِ کوشست ناکام کتگ ءُ یک درملکی کمانڈر ءَ ھوار 4 ناشرکار بیران کتگ۔ پنچ شمبے ءِ روچ ءَ پاکستانی فوج ءِ انٹر سروسز پبلک ریلیشنز ءِ نیمگ ءَ چہ شنگ بوتگیں بیان ءِ رد ءَ 29 ءُ 30 اکتوبر ءِ میانجی ئیں شپ ءَ ضلع باجور ءَ سیکورٹی فورسز ءَ یک انچیں گلے ءِ رھادگ بوھگ ءِ پجار کتگ کہ آ پاکستان ءُ اوگانستان ءِ سیمسر ءَ چہ درآمد بوھگ ءِ کوشست ءَ کنگ ءَ ات۔ پاک فوج ءِ سپاھیگاں موثریں گامگیج زورگ ءَ چہ خوارج ءِ نفوذ ءِ کوشست ناکام کتگ۔ ھدف ءُ مہارت ءِ کارروائی ءِ آسر ءَ چار خوارج کشگ بوتگ اَنت کہ آھانی تہ ءَ یک ھاسیں خوارج سروک امجد عرف مزاحم  ھم ھوار اِنت۔ کُشگ بوتگیں خوارج ءِ کمانڈر امجد خوارج نور ولی ءِ نائب ءُ ھندی پراکسی فتنہ الخوارج ءِ سروکی کونسل ءِ سروک بوتگ۔ آئی ءَ را قانون برجا کنوکیں ادارہانی نیمگ ءَ سک باز لوٹگ بوتگ ءُ پاکستانی سرکار ءَ آئی ءِ سر ءَ 5 ملین کلدار ءِ فضلہ ایر کتگ ات پرچا کہ آ اوگانستان ءَ نندگ ءِ وھد ءَ پاکستان ءِ تہ ءَ بازیں ناشرکاری کارانی تہ ءَ ھوار بوتگ ات۔ زانگ بہ بیت کہ اوگانستان ءَ جاہ منندیں فتنہ الخوارج ءِ سروکی پاکستان ءِ تہ ءَ نفوذ ءِ کوشست ءِ بندوبست کنگ ءَ اِنت ، ھاسیں رنگ ءَ اے تاثر ءَ دیگ ءِ ھاترا کہ پاکستان ءَ آھانی ھست بوھگ سلامت اِنت ءُ بجاور ءُ محمند ءَ سیکورٹی فورسز ءِ نیمگ ءَ چہ موثریں آپریشن خوارج ءِ زوال بوھوکیں حوصلہ ءَ پدا زندگ کنت۔ آئی ایس پی آر ءَ گشتگ کہ عبوری اوگان حکومت ءَ را ٹھوس گامگیج چست کنگی انت دانکہ اوگان سرزمین ءَ درملکی پراکسی پاکستان ءِ ھلاپ ءَ ناشرکاری ءِ ھاترا کارمرز مہ کن انت۔ اے واقعہ یک رندے پدا اے موقف ءِ تصدیق کنت کہ فتنہ الخوارج ءِ خوارج پاکستان ءِ ھلاپ ءَ اوگان سرزمین ءَ را یک ایمنیں پناہ گاہ ءِ بستار ءَ کارمرز کنگ ءَ انت۔ بیان ءِ تہ ءَ گوشت کہ پاکستان ءِ سیکورٹی فورسز مھروانیں وطن ءِ سیم سر آنی رکھینگ ءِ واستہ مھکمیں جزم ءَ اَنت۔ ہندوستان ءِ حمایت کتگیں خوارج ءِ ھلاسی ءِ ھاترا دمگ ءَ سینیٹائزیشن آپریشن برجاہ اِنت۔ سیکورٹی فورسز ءُ قانون ءِ برجائی ءِ ادارہ ”استحکام ءِ تعین“ ءِ رژن ءِ چیر دستی ءَ ناشرکاری ءِ ھلاپ ءَ مہم ءَ گوں سرجمیں زور ءَ برجاہ دار اَنت دانکہ درملکی حمایت کتگیں ناشرکاری ءِ آفت ءِ ھلاس کنگ بہ بیت۔