بلوچستان ءِ ضلع کوئٹہ ءُ کیچ ءَ دو جتا جتائیں آپریشن ءِ تہا سیکورٹی فورسز ءَ 18 فتنہ ہندوستان ءِ ناشرکار کشتگ انت آئی ایس پی آر

راولپنڈی۔30اکتوبر  (اے پی پی):  بلوچستان ءِ ضلع کوئٹہ ءُ کیچ ءَ سیکورٹی فورسز ءَ دو جتا جتائیں آپریشن ءِ تہا 18 فتنہ ہندوستان ءِ ناشرکار کشگ بوتگ انت۔ انٹر سروسز پبلک ریلیشنز (آئی ایس پی آر) ءِ نیمگ ءَ چہ جاڑی بوتگیں بیان ءِ رد ءَ 28 ءُ 29 اکتوبر ءَ بلوچستان ءَ دو جتا جتائیں انٹیلی جنس ءِ بنیات ءَ  کاروائی کنگ بوت اولی آپریشن ضلع کوئٹہ  ءِ دمگ چلتن کوہ آنی تہ ءَ کنگ بوت ادا ناشرکار آنی ساڑی بوھگ ءِ ھال رسگ ءِ پد ءَ سیکورٹی فورسز آں کاروائی کت اے ساھت ءَ تیر گواری ءِ  سبب ءَ بھارتی کمک ءِ 14 ناشرکار جنگ  ءُ کشگ بوت ۔ دومی آپریشن ضلع کیچ ءِ دمگ بلیدہ ءَ کنگ بوتگ کہ اودا ناشرکارانی یک پناہ گاہ ءِ نشانگ جوڑ کنگ بوتگ۔ آپریشن ءِ تہ ءَ چار ناشرکار بیران بوتگ ۔ دوئیں جاھاں آپریشن ءِ تہ ءَ بیران بوتگیں ناشرکاراں چہ مزنیں کساسے ءَ سلاہ، گولہ بارود ءُ تراکناکیں سامان برآمد کنگ بوتگ۔ کُشگ بوتگیں ناشرکار ناشرکاری ءِ بازیں کارانی تہ ءَ ھوار بوتگ اَنت۔ دمگ ءَ پٹ ءُ پول ءُ کلیئرنس آپریشن برجاہ انت تانکہ بھارتی پراکسی فتنہ ہندوستان ءَ گوں سیادی داروکیں ناشرکار ءِ ھلاس کنگ بہ بیت۔ آئی ایس پی آر ءِ رد ءَ انسداد ناشرکاری ءِ مہم نیشنل ایکشن پلان ءِ چیر دستی ءَ سیکورٹی فورسز ءُ کانود ءِ برجائی ءِ ادارگ آنی نیمگ ءَ سرجمیں زور ءَ کنگ بوھگ ءَ اِنت کہ ایشی ءِ مول ءُ مراد درملکی حمایت کتگیں ملک ءِ ناشرکار ءَ را سرجمیں رنگ ءَ ھلاس کنگ اِنت۔