نائب مزن وزیر اسحاق ڈار ءَ اقتصادی سفارتکاری ءُ تجارت ءِ توسیپ ءِ حکمت عملی ءَ چار ءُ تپاسی ءِ واستہ دیوان ءِ سروکی ءَ کنگ  بوت

اسلام آباد۔30اکتوبر  (اے پی پی): پنچ شمبے ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ مزن تک ءِ دیوان ءِ برجم دارگ بوت ایشی ءِ تہ ءَ اقتصادی سفارتکاری ءُ بیپاری ءِ تہ ءَ گیشی ءِ سرجمیں حکمت عملی ءِ سر ءَ چار ءُ تپاسی کنگ بوت۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گند ءُ نند ءَ وزیر تجارت، کانود ءُ انصاف، مزن وزیر ءِ ھاسیں کمکار ایم طارق باجوہ، سیکرٹری درئی کار، سیکرٹری کامرس ءُ سیادی داروکیں محکمہ آنی مزنیں افسر آں بھر زوری کتگ۔ دیوان ءَ کمیٹی ءِ گڈی دیوان ءَ چہ پد بوتگیں پیشرفت آنی سر ءَ چار ءُ تپاسی کنگ بوت۔ نائب مزن وزیر ءَ برآمدات ءَ را گیش کنگ، سرمایہ کاری ءِ راجیگ کنگ، ھاسیں رنگ ءَ یورپی یونین ءُ ایندگر کلیدی شریک آنی گوما تجارتی ءُ اقتصادی سیادی ءَ را گیش کنگ ءِ واستہ اقتصادی سفارتکاری ءِ سر ءَ زور پر دات۔