مزن وزیر محمد شہباز شریف ءَ ایف بی آر اصلاحات ءِ ھوالگ ءَ جائزہ دیوان ءِ سروکی کت، پی آر اے ایل سسٹم ءِ فرانزک آڈٹ ءِ پنت ءُ شون

اسلام آباد۔30اکتوبر  (اے پی پی): مزن وزیر محمد شہباز شریف ءَ سیلز ٹیکس ءِ تہ ءَ دھاندلی کنوکیں ادارگ، کمپنی ءُ مردمانی پٹ ءُ پول کنگ ءِ پنت ءُ شون کتگ ءُ سئے ہفتگ ءِ تہ ءَ رپورٹ جم کنگ بہ بیت ءُ گوشت کہ پرال سسٹم ءِ فرانزک آڈٹ یک انٹرنیشنل کنسلٹنسی فرم ءِ نیمگ ءَ کنگ بہ بیت۔ پنچ شمبے ءِ روچ ءَ مزن وزیر محمد شہباز شریف ءِ سروکی ءَ ایف بی آر ءِ اصلاحات ءِ ھوالگ ءَ چار ءُ تپاسی ءِ دیوان برجم دارگ بوت ایشی ءِ تہ ءَ وفاقی وزیر عطا اللہ ترار، محمد اورنگزیب، اعظم نذر ترار، ڈاکٹر مصدق مسعود ملک، علی پرویز ملک، بلال اظہر فیانت ءِ سیادی داروکیں سینئر آفس ءِ تہ ءَ بھر زوری کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ را واشنگٹن ءَ برجم داشتگیں سالانہ ورلڈ بینک کانفرنس ءَ ایف بی آر ءِ بھر زوری ءِ ھوالگ ءَ سرپد کنگ بوت۔ مزن وزیر ءَ گلوبل کانفرنس ءَ ایف بی آر اصلاحات ءِ کیس اسٹڈی ءِ منگ ءِ پد ءَ ایف بی آر ٹیم ءِ ساڑاتگ۔ مزن وزیر ءَ را ایف بی آر ءِ تہ برجمیں اصلاحات ھاسیں رنگ ءَ پاکستان ریونیو آٹومیشن لمیٹڈ ءِ تہ برجاھیں اصلاحات ءِ ھوالگ ءَ سرپد کنگ بوت۔ پی آر اے ایل ءِ انوگیں برجائی ءِ اصلاحات ءِ تہ ءَ آڈٹ والٹ، ڈیٹا بیس ءِ رکھینگ ءِ دیوال، سیکورٹی آپریشن سینٹر، ڈیٹا بیس ءِ مدام نگرانی ءُ دگہ بازیں ایمنیں ڈیجیٹل گامگیج ھوار اَنت۔ مزن وزیر ءَ را گوشگ بوت کہ استیں ڈیجیٹل سسٹم ءِ تہ ءَ اے گنجائش است انت کہ زانتکاری آنی تہ ءَ بدلی ءِ گوما صارف ءِ آئی پی ایڈریس ھم سسٹم ءِ تہ ءَ رجسٹرڈ کنگ بیت ءُ ٹیکس فراڈ ھم ممکن نہ بیت۔ گند ءُ نند ءَ 2018-2019 ءَ بندات بوتگیں سیلز ٹیکس فراڈ ءِ ھوالگ ءَ جوڑ بوتگیں فیکٹ فائنڈنگ کمیٹی ءَ مزن وزیر ءَ را پی آر اے ایل ءِ پراھیں نظام ءِ سبب ءَ بوتگیں سیلز ٹیکس فراڈ ءِ ھوالگ ءَ رپوٹ پیش کتگ۔ مزن وزیر ءَ 2018 ءَ بندات بوتگیں اے سیلز ٹیکس فراڈ ءِ نوٹس زرتگ ات ءُ یک حقیقت ءِ پٹ ءُ پولی کمیٹی جوڑ کتگ ات۔ مزن وزیر ءَ را گوشگ بوت کہ پیرال ءَ سیلز ٹیکس فراڈ پراھیں ڈیجیٹل سسٹم ءِ سبب ءَ بوتگ، سسٹم ءِ تہ ءَ مانیٹرنگ ءِ کمی ءُ پیرال ءِ ڈیٹا بیس ءِ سیکورٹی نہ بوھگ اِنت۔ بریفنگ ءَ گوشت کت کہ نظام ءِ کمی آناں گر ءُ دار ءِ واستہ بازیں اصلاحات ءِ سر ءَ عمل کنگ بوتگ کہ اے سرجمیں اصلاحات ءِ بھر اَنت۔ مزن وزیر ءَ گوستگیں وھد ءَ سیلز ٹیکس ءِ تہ ءَ بوتگیں دھاندلی ءِ سر ءَ زھر ءِ درشان کنان ءَ پنت ءُ شون کت کہ پی آر اے ایل سسٹم ءِ فرانزک آڈٹ یک انٹرنیشنل کنسلٹنسی فرم ءِ نیمگ ءَ کنگ بہ بیت۔ مزن وزیر ءَ پنت ءُ شون کت کہ سیلز ٹیکس فراڈ ءَ ہواریں ادارگ، کمپنی ءُ مردمانی پجار کنگ ءِ واستہ پٹ ءُ پول کنگ بہ بیت ءُ 3 ہفتگ ءِ تہا رپورٹ پٹ ءُ پولی کمیٹی ءَ پیش کنگ بہ بیت۔ مزن وزیر ءَ اے ھم پنت ءُ شون کتگ کہ آیوکیں پٹ ءُ پولی رپورٹ ءِ تہ ءَ پجاری بوتگیں مجرم آنی ھلاپ ءَ سکیں قانونی کارروائی کنگ بہ بیت۔