صدر آصف علی زرداری ءَ بلوچستان ءَ ھندی پراکسی فتنہ الهندوستان ءِ 18 ناشرکارانی کوش ءِ پد ءَ سیکورٹی فورسز آناں توسیپ ءُ ستا

اسلام آباد۔30اکتوبر  (اے پی پی): صدر آصف علی زرداری ءَ بلوچستان ءَ دو آپریشن ءِ تہ ءَ ھندی پراکسی فتنہ الهندستان ءِ 18 ناشرکارانی کوش ءِ پد ءَ سیکورٹی فورسز ءَ را شگر ءُ منت درشان کتگ۔ پنچ شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ چلتن پہاڑ کوئٹہ ءَ   آپریشن ءِ ساھت ءَ بھارت ءِ سرپرستی ءَ 14 ناشرکار آنی کوش ءَ را سیکورٹی فورسز ءِ مزنیں سوبمندی لیک اتگ۔ صدر ءِ مملکت ءَ کیچ  ءِ دمگ بلیدہ  ءَ ناشرکارانی پناہ گاہ ءِ سر ءَ آپریشن ءِ تہ ءَ چار ناشرکار آناں ھلاس کنگ ءِ تہ ءَ سیکورٹی فورسز ءِ دلیری ءُ بہادری ءِ ھم توسیپ کت۔ آئی ءَ گوشت کہ سیکورٹی فورسز ءِ نیمگ ءَ دمگ ءِ صاف کنگ ءَ چہ ناشرکاری ءِ سرجمی ءَ ھلاسی بوتگ ۔ صدر آصف علی زرداری ءَ گوشت کہ سیکورٹی فورسز ءُ کانود ءِ برجم ءِ ادارگ ’’ ’’عزمِ استحکام ‘‘ ءِ چیر دستی ءَ ناشرکاری ءِ سرجمیں ھلاسی ءِ واستہ جزم انت۔ صدر ءَ راج ءِ نیمگ ءَ سیکورٹی فورسز ءِ قربانی ءُ دلیری ءَ را  توسیپ ءُ ستا  پیش کت۔