مزن وزیر شہباز شریف ءَ ضلع باجور  ءَ گیشتریں لوٹ ءُ گزر ءِ درملکی رہشون سمیت 4 ءِ کوش ءِ پد ءَ سیکورٹی فورسز ءَ را  توسیپ ءُ ستا

اسلام آباد۔30اکتوبر  (اے پی پی): مزن وزیر محمد شہباز شریف ءَ ضلع باجور ءَ سیکورٹی آپریشن ءِ ساھت ءَ نامیگیں ناشرکار آں ھوار ڈنی سروک ءِ گوما   4 ءِ کوش ءِ سبب ءَ سیکورٹی فورسز ءَ را  توسیپ ءُ ستا  پیش کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ سیکورٹی فورسز ءَ وتی ھاسیں مہارت آنی سبب ءَ پاکستان ءِ سیکورٹی ءِ دژمن آنی نا شریں ارادہ آناں ھلاس کتگ ءُ چہ درستاں گیش  لوٹ  بوتگیں درملکی کمانڈر امجد ءَ را کوش کتگ۔ آئی ءَ گوشت کہ بے گناہ ءُ کودکیں  شہری آنی جان ءُ مال ءَ را تاوان دیگ ءِ عناصر اے رنگ ءَ دیم ءَ ھم ھلاس کنگ بنت۔ مزن وزیر ءَ گوشت کہ پاکستان ءِ حکومت ملک ءَ چہ ناشرکاری ءِ ھوپ ءَ را سرجمی ءَ ھلاس کنگ ءِ واستہ جزمیگ اِنت۔