باندا (پنج شمبے) ءَ مزن وزیر ورنا پروگرام ءِ چیر دستی ءَ میرٹ ءُ زانتکاریں نودربر آناں یک لکھ لیپ ٹاپ ءِ بھر ءُ بانگ بندات بیت

اسلام آباد۔29اکتوبر  (اے پی پی): مزن وزیر ورنا پروگرام ءِ چیر دستی ءَ میرٹ ءُ زانتکاریں نودربر آناں یک لکھ لپا ٹاپ ءِ بھر ءُ بانگ باندا (پنج شمبے) ءَ بندات بیت۔ جناح کنونشن سینٹر ءَ اے درگت ءَ ھاسیں مراگش ءِ برجم دارگ بیت۔ تفصیل ءِ رد ءَ مزن وزیر یوتھ پروگرام ءِ چیر دستی ءَ لاپا ٹاپ اسکیم 9 ءِ واستہ آن لائن درخواست ءِ دعوت دیگ بوتگ۔ سرکاری ءُ غیر سرکاری یونیورسٹی آنی نیمگ ءَ میرٹ ءِ رد ءَ میرٹ ءُ زانتکاریں ورنا آنی لسٹ جوڑ کنگ بوتگ اَنت۔ لاپا ٹاپ میرٹ ءِ سرا یک لکھ نودربراں دیگ بیت۔ اے درگت ءَ افتتاحی مراگش باندا کنونشن سینٹر ءَ برجم دارگ بیت۔ ایشی ءَ پد مزن وزیر ورنا پروگرام ءِ چیر دستی ءَ صوبائی دارالحکومت آنی تہ ءَ لاپا ٹاپ ءِ بھر ءُ بانگ ءِ مراگش برجم دارگ بنت۔ چیئرمین مزن وزیر ورنا پروگرام رانا مشہود احمد خان ءَ گوشت کہ ورنا آناں توان مند کنگ حکومت ءِ اولی ترجی انت۔ اے درگت ءَ ورنا آناں وانگ ءُ زانگ ءَ گوں سیادی داروکیں ایندگہ شوبگ آنی تہ ءَ ھم آسراتی پجاری کنگ بوھگ ءَ اِنت۔ مزن وزیر ورنا پروگرام ءِ لیپ ٹاپ اسکیم ءِ چیر دستی ءَ نودربر آنی نیام ءَ لیپ ٹاپ بھر ءُ بانگ ءَ چہ نودربر آناں وتی اکیڈمک ہنر آنی تہ ءَ گہتری ءِ موہ رس ایت۔