مزن وزیر شہباز شریف ءِ رھشونی ءَ پاکستان ءَ وانگ ءُ زانگ ، ٹیکنالوجی ءُ انسانی وسائل ءِ دیمروئی ءِ واستہ ھاسیں گامگیج چست کتگ ، قصرہ احمد شیخ

اسلام آباد۔29اکتوبر  (اے پی پی): وفاقی سرمایہ کاری ءِ وزیر قصرہ احمد شیخ ءَ گوشت کہ مزن وزیر محمد شہباز شریف ءِ وژن ءِ سروکی ءَ پاکستان ءَ وانگ ءُ زانگ، ٹیکنالوجی ءُ انسانی وسیلگ آنی دیمروئی ءِ واستہ ھاسیں گامگیج چست کتگ۔ آئی ءَ چار شمبے ءِ روچ ءَ نوسٹ اسلام آباد ءَ چین میڈیا گروپ ءُ چینی سفارتخانہ ءِ نیمگ ءَ برجم داشتگیں ھاسیں پریمیئر ایونٹ "ڈن ءَ دریگ ءَ   سبزیں سیارہ” ءَ ھاسیں مہمان ءِ بستار ءَ بھر زوری کتگ۔ مراگش ءَ چینی خلائی پروگرام ءِ اولی 8K فلم شینزو-13 مشن  ھم پیش دارگ بوتگ کہ چین ءِ سائنسی دیمروئی ءُ خلائی پٹ ءُ پول ءِ تہ ءَ یک سنگ میل ءِ اِنت۔ وفاقی وزیر ءَ وتی تران ءِ تہ ءَ گوشت کہ گوستگیں 32سال ءَ چہ آ اقتدار ءَ اِنت ءُ اے وھد ءِ تہ ءَ چین ءَ گریبی ءِ ھلاسی ءُ نوکیں ٹیکنالوجی ءِ تہ ءَ مزنیں سوبمندی رستگ۔ ایشاں چہ پاکستان بازیں چیزے دربرت کنت۔ آئی ءَ گوشت کہ مزن وزیر محمد شہباز شریف ءِ وژنری سروکی ءَ پاکستان ءَ وانگ ءُ زانگ، تکنیکی تربیت ءُ انسانی وسیلگ آنی دیمروئی ءِ واستہ ھاسیں گامگیج چست کتگ، ایشی ءِ مول ءُ مراد ملک ءِ اقتصادی برجائی ءُ دیمروئی ءِ بنیات ءَ را گیش مھکم کنگ اِنت۔ قصر احمد شخان ءَ چیتی میڈیا گروپ ءِ ازمت آناں ساڑات ءُ گوشت کہ اے ادارگ دوئیں ملک آنی نیام ءَ دود ءُ ربیدگی ءُ تکنیکی کمک ءَ را گیش دیمروئی دیگ ءِ واستہ المی کرد پیلو کنگ ءَ انت۔ آئی ءَ یک رندے پدا گوشت کہ حکومت ءِ اولی ترجی سرمایہ کاری ءُ نوکیں ٹیکنالوجی ءِ دیمروئی ءِ وسیلگ ءَ پاکستان ءِ معیشت ءَ را مھکم کنگ اِنت۔ آئی ءَ گوشت کہ سرمایہ کاری بورڈ پاکستان ءِ معیشت ءَ را مھکم کنگ، ہائی ٹیک شوبگ ءَ سرمایہ کاری ءَ را گیش کنگ ءُ پاک چین ءِ اقتصادی کمک ءَ را گیش پراھی کنگ ءِ واستہ جزمیگ انت۔ آئی ءَ نوسٹ ءِ نودربر ءُ پٹ ءُ پولکار آناں دلبڈی دات ءُ گوشت کہ آ پاکستان ءِ آیوکیں وھد ءِ ریڑھ ءِ ھڈ اَنت ءُ سائنسی برتری ءِ تہ ءَ ملک ءِ نام ءَ را بُرز کن اَنت۔ آئی ءَ وتی اے باور ءِ درشان کت کہ پاکستان ءُ چین ءَ مدام یک دومی ءِ کمک کتگ ءُ اے کمک آیوکیں وھد ءَ گیش مھکم بیت ءُ دیمروئی ءُ وشھالی ءِ نوکیں دروازگاں پچ کنت۔