اسلام آباد۔ 29 اکتوبر (اے پی پی) بنجائی وزیر ریلوائی محمد حنیف عباسی ترکی نا قیام نا 102 می سال دے انا وخت آ ترک صدر رجب طیب اردوان و ایلم ترک الس ءِ مبارکبادی پیش کرینے۔ تینا کلہو اٹی وزیرریلوائی پارے کہ صدر رجب طیب اردوان نا کماشی ٹی ترکی شونداری، سوگوی و خودانحصاری نا پوسکن ءُ مثال جوڑ کرینے۔ اوپارے کہ پاکستان و ترکی نا تعلقداری اخوت، …
وزیرریلوائی محمد حنیف عباسی نا ترکی نا قیام نا سال دے انا وخت آ ترک صدر و الس ءِ مبارکباد
گیشتریں ھال
اسلام آباد۔ 29 اکتوبر (اے پی پی) بنجائی وزیر ریلوائی محمد حنیف عباسی ترکی نا قیام نا 102 می سال دے انا وخت آ ترک صدر رجب طیب اردوان و ایلم ترک الس ءِ مبارکبادی پیش کرینے۔ تینا کلہو اٹی وزیرریلوائی پارے کہ صدر رجب طیب اردوان نا کماشی ٹی ترکی شونداری، سوگوی و خودانحصاری نا پوسکن ءُ مثال جوڑ کرینے۔ اوپارے کہ پاکستان و ترکی نا تعلقداری اخوت، ایلمی و تین پہ تینی پت آٹی ءِ۔ محمد حنیف عباسی پارے کہ ترکی مدام ہرمشکل وخت اٹی پاکستان تون پبی تفینے، و ہڑتوم آملک آتا نیام اٹ سنگتی نا دا رشتہ ’’اِراملک، اسہ قوم‘‘ انا جوزہ نا عملی درور ءِ۔ بنجائی وزیر ریلوائی دا عزم انا درشانی ءِ کرے کہ پاکستان ترکی تون اسٹریٹجک ، واپاری و دودوربیدہ ئی تعلقداری تے پین ودفنگ کن سنبرینگوک ءِ۔ اوپارے کہ ترکی نا شونداری و السی سیوت مسلم دنیا کن قابل تقلید ءِ۔ محمد حنیف عباسی ترک الس کن شونہالی، امن و شونداری نا دعاکرساپارے کہ پاکستان ترکی نا سرسہبی تیا گمر محسوس کیک۔
